26 May 2020

News Flash

एसटी कर्मचाऱ्यांना दिवाळी बोनसऐवजी १० हजारांची उचल

उचल घेतलेली रक्कम कर्मचाऱ्यांच्या वेतनातून कापून घेतली जाणार आहे.

आचारसंहितेचा फटका

मुंबई : विधानसभा निवडणूक आचारसंहितेमुळे एसटी कर्मचाऱ्यांना बोनसऐवजी फक्त दहा हजार रुपये उचल देण्याचा निर्णय महामंडळाने घेतला आहे. २२ ऑक्टोबरपासून उचल देण्यात येणार असून ज्या कर्मचाऱ्यांनी अर्ज केले नसतील त्यांनी तातडीने त्यासाठी अर्ज करावेत, असे आवाहन एसटी महामंडळाने केले आहे. उचल घेतलेली रक्कम कर्मचाऱ्यांच्या वेतनातून कापून घेतली जाणार आहे.

एसटी महामंडळात १ लाख चार हजार कर्मचारी आहेत. गेल्या वर्षी कर्मचाऱ्यांना २,५०० रुपये बोनस, दहा हजार रुपये उचल, महागाई भत्ता, वेतनातील थकबाकी अशी २० ते २५ हजार रुपये रक्कम मिळाली होती. तर अधिकाऱ्यांना पाच हजार रुपये बोनस दिला होता. यंदा कर्मचाऱ्यांना किमान पंधरा हजार रुपये बोनस देण्याची मागणी महाराष्ट्र स्टेट ट्रान्सपोर्ट कामगार संघटनेकडून केली जात होती. आचारसंहितेमुळे बोनस देण्याचा निर्णय एसटी महामंडळाकडून घेतला जाऊ शकत नसल्याने दहा हजार रुपये उचल देण्यात येईल. ही रक्कम कर्मचाऱ्यांच्या पुढच्या वेतनांतून समान दहा हप्त्यांमध्ये कापली जाणार आहे. २५ ऑक्टोबपर्यंत आचारसंहिता असल्याने त्यानंतरच बोनस जाहीर होण्याची शक्यता आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on October 11, 2019 2:13 am

Web Title: st employees get rs 10 000 advance instead of diwali bonus zws 70
Next Stories
1 मतदारसंख्येत भरमसाठ वाढ
2 केळवे ग्रामस्थ मतदान बहिष्कारावर ठाम
3 वाडा कोलमला ‘झिनी’चा आधार
Just Now!
X