News Flash

वर्धा : हिवरातांडा येथील महिलेचा करोनामुळे मृत्यू

परिसरातील गावाची नाकाबंदी करणे सुरू

प्रतिकात्मक छायाचित्र

वर्धा जिल्ह्यातील हिवरा तांडा या गावात एका महिलेचा करोनाने  मृत्यू झाल्याचे निष्पन्न झाले आहे. या पार्श्वभूमीवर काही वेळापूर्वीच परिसरातील गावाची नाकाबंदी करणे सुरू झाली आहे.

आर्वीपासून दहा किलोमिटर अंतरावरील हिवरा तांडा या गावामधील ३५ वर्षीय महिलेचा मृत्यू झाला होता. सदर महिलेची करोना तपासणी सकारात्मक आल्याने खळबळ उडाली आहे. ही महिला उपचारार्थ आर्वीच्या रूग्णालयात दाखल झाली होती. प्राथमिक लक्षणे दिसून आल्याने तिला सावंगीच्या रूग्णालयात पाठविण्यात आले होते. मात्र या  ठिकाणी दाखल होत असतांनाच ८ मे रोजी सायंकाळी तिचा मृत्यू झाला. दमा व डायरिया झाल्याने ती उपचारासाठी आली होती. मात्र करोना तपासणीत ती करोनाबाधित असल्याचे आज आढळून आल्याने प्रशासनात गोंधळ उडाला.

या महितीनंतर एक तासापूर्वीच हा परिसर बंद करण्यात आला आहे. मृत महिलेच्या हिवरा तांडा सोबतच हराशी व हिवरा या गावातील ये‑जा बंद करण्यात आली आहे. सदर गावाच्या तीन किलोमिटर परिसरातील गावातील वाहतूक बंद करण्यात आली असल्याचे तहसीलदार चव्हाण यांनी सांगितले. लगतच्या वाढोणा व थार या गावातील वाहतुकसुध्दा बंद होण्याची शक्यता आहे. वर्धा जिल्ह्यातीलच रूग्ण आढळल्याने जिल्ह्याचा ग्रीन झोनचा लौकीक गमावून बसण्याची वेळ आली आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 10, 2020 1:05 pm

Web Title: wardha a woman from hivaratanda died due to corona msr 87
टॅग : Coronavirus
Next Stories
1 जितेंद्र आव्हाडांनी केली ‘करोना’वर मात; रुग्णालयातून मिळाली सुटी
2 केंद्र व राज्याने आरोग्याकडे दुर्लक्ष केल्याची किंमत चुकवतोय!- डॉ सुभाष साळुंखे
3 “महाराष्ट्रात माणसाच्या जिवाचं काहीही मूल्य राहिलं नाही”
Just Now!
X