स्कॉच या संस्थेद्वारे राष्ट्रीय पातळीचा पुरस्कार वर्धा जिल्ह्याला देण्यात आला आहे. ‘कोविडला प्रतिसाद’ या गटात वर्धा जिल्हा अव्वल ठरल्याने स्कॉच अॅवॉर्ड वर्धा जिल्ह्याला मिळाला असल्याचे जिल्हाधिकारी विवेक भीमनवार यांनी सांगितले.

सर्वत्र करोनाचे रुग्ण आढळत असताना वर्धा जिल्ह्याने सुरूवातीचे ५० दिवस करोनाला जिल्ह्यात दाखल होऊ दिले नाही. शिवाय यासाठी विविध उपाय योजना केल्या. स्कॉच पुरस्काराच्या स्पर्धेत सहभागी झाल्यावर ऑनलाइन बैठकीत वर्धा जिल्ह्यात काय प्रतिबंधात्मक उपाय योजना करण्यात आले याची माहिती देण्यात आली. पहिली फेरी, दुसरी फेरी असे करीत वर्धा जिल्हा या पुरस्कारासाठी अंतिम फेरीत पोहोचला. पीपीटीद्वारे अंतिम फेरीत उत्कृष्टपणे सादरीकरण केल्यानंतर वर्धा जिल्ह्याला हा पुरस्कार जाहीर करण्यात आला आहे.

sharad pawar
बारामतीमधील नमो रोजगार मेळाव्याच्या निमंत्रणपत्रिकेत शरद पवार यांचे नाव; जिल्हा प्रशासनाकडून सुधारित निमंत्रणपत्रिका
BJYM, National Convention, Nagpur, Lok Sabha Elections, Prominent Leaders, Attend,
लोकसभा निवडणुकीच्या तोंडावर नागपुरात भाजयुमोचे राष्ट्रीय अधिवेशन, जे पी नड्डांसह भाजपचे मोठे नेते येणार
cricket tournament in Raigad
रायगडमध्ये क्रिकेट स्पर्धेच्या आयोजनातून मतांची बेगमी
national award name indira gandhi and nargis
‘या’ कारणामुळे सरकारने राष्ट्रीय चित्रपट पुरस्कार श्रेणीतून वगळले इंदिरा गांधी आणि नर्गिस दत्त यांचे नाव

नवीन सोना यांच्या कार्यकाळातही मिळाला होता बहुमान

जिल्हाधिकारी नवीन सोना यांच्या कार्यकाळात वर्धा जिल्ह्याला स्कॉच अॅवॉर्ड प्राप्त झाला होता. त्यावेळी डीबीटी प्रणालीत उत्कृष्ट काम केल्यामुळे वर्धा जिल्ह्याला हा बहुमान प्राप्त झाला होता. तर आता जिल्हाधिकारी विवेक भीमनवार यांच्या कार्यकाळात वर्धा जिल्ह्याला पुन्हा एकदा राष्ट्रीय स्तरावरील हा पुरस्कार प्राप्त झाल्याचे सांगण्यात आले.

हा पुरस्कार जिल्ह्यातील सर्व नागरिक, आरोग्य विभाग, पोलीस विभाग, ग्रामविकास आणि नगरविकास, जिल्हा परिषद आणि संपूर्ण जिल्हा प्रशासनाच्या परिश्रमाचे फळ आहे. आतापर्यंत जिल्ह्याने उत्कृष्ट काम करून करोनाचा संसर्ग कमी ठेवण्यासाठी काम केले. यापुढेही जिल्ह्यात करोना विषाणूमुळे एकही मृत्यू होणार नाही यासाठी प्रशासनासोबत नागरिकांनीही साथ द्यावी असे आवाहन जिल्हाधिकारी यांनी केले आहे.