भरधाव बसने रुग्णवाहिकेला जोरदार टक्कर दिल्यामुळे झालेल्या अपघातात सहा जणांचा मृत्यू झाला. अपघातात दोघे जण गंभीर जखमी झाले असून, त्यांच्यावर रुग्णालयात उपचार सुरू आहेत.
सोमवारी रात्री नागपूरपासून ६० किलोमीटरवर असलेल्या कोंडघाली गावाजवळ हा अपघात झाला. रुग्णवाहिकेतून सहा जण भुसावळहून अमरावतीमार्गे नागपूरला निघाले होते. मध्यरात्री नागपूरहून येणाऱया खासगी बसने रुग्णवाहिकेला समोरसमोर जोरदार धडक दिली. त्यामध्ये रुग्णवाहिकेतील सर्वजण मृत्युमुखी पडले. मृतांमध्ये दोन महिलांचा समावेश आहे. अपघातात जखमी झालेल्यांना नागपूरच्या जिल्हा सरकारी रुग्णालयात दाखल करण्यात आले आहे.
पोलीसांनी बसचालकाला अटक केली असून, याप्रकरणी गुन्हा दाखल करण्यात आला आहे.
(संग्रहित छायाचित्र)