scorecardresearch

Omicron : राज्यात आणखी आठ ‘ओमायक्रॉन’बाधित आढळले; मुंबईत आणि वसई-विरारमध्ये रूग्णांची नोंद

राज्यातील एकूण ओमायक्रॉन बाधितांची संख्या २८ वर

(प्रातिनिधिक छायाचित्र)

राज्यात एकीकडे करोनाची लाट ओसरल्याचे दिसत असताना आता हळूहळू ओमायक्रॉनबाधित रूग्ण आढळून येताना दिसत आहेत. आज राज्यात आठ नवीन ओमायक्रॉनबाधित रूग्ण आढळून आले आहेत. यामुळे राज्यातील एकूण ओमायक्रॉनबाधितांची संख्या २८ वर पोहचली आहे.

राज्यात आज आढळलेल्या आठ ओमायक्रॉनबाधितांमध्ये मुंबईत सात जण तर वसई-विरारमधील एका रूग्णाचा समावेश आहे. तर, आजपर्यंत राज्यभरात आढळून आलेल्या २८ ओमायक्रॉन बाधितांपैकी ९ रूग्णांना त्यांची आरटीपीसीआर चाचणी निगेटिव्ह आल्यानंतर रूग्णालयामधून सुट्टी देखील मिळालेली आहे.

याचबरोबर महाराष्ट्रात मागील २४ तासांमध्ये ६८४ नवीन करोनाबाधित आढळून आले आहेत, तर ६८६ रूग्ण कोरनामुक्त झाले आहेत. याशिवाय २४ करोनाबाधित रूग्णांचा मृत्यू झालेला आहे. राज्यातील एकूण करोनाबाधितांची संख्या ६६,४५,१३६ झाली आहे. राज्यात आजपर्यंत ६४,९३,६८८ जण करोनामुक्त झाले आहेत. तर, १,४१,२८८ करोनाबाधित रूग्णांचा मृत्यू झालेला आहे. राज्यातील अॅक्टिव्ह केसेसची संख्या ६ हजार ४८१ आहे.

मराठीतील सर्व महाराष्ट्र ( Maharashtra ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: 8 more patients found infected with omicron in the state msr

ताज्या बातम्या