सांगली : उसाला पाणी देण्यासाठी गेलेल्या शेतकर्‍यावर बिबट्याचा हल्ला; प्रसंगावधान दाखवल्याने शेतकऱ्याचा जीव वाचला

हेही वाचा- सांगली: अश्लील छायाचित्रांची देवाणघेवाण करत सेवानिवृत्त कर्मचाऱ्याला साडेचौदा लाखांचा गंडा

हुबालवाडी येथील शेतकरी हे आज सकाळी ओढ्या काठाला असलेल्या शेतात उसाला पाणी देण्यासाठी गेले होते. फडाच्या बाहेर असताना फडामध्ये गुरगुरण्याचा आवाज येत होता. तसेच फडामध्ये काही तरी हालचाल होत असल्याचे दिसले. त्यांनी निरखून पाहण्याचा प्रयत्न केला असता उसाच्या सरीतून  बिबट्यांने त्यांच्या अंगावर झेप घेतली. मात्र, सावध असलेल्या हुबाले यांनी ही झेप चुकवली. याचवेळी दंगा सुरू केला. या दंग्याने जवळच असलेले लोक धावून आले. त्यांनीही आरडाओरडा केला असता बिबट्याने उसाच्या फडात धूम ठोकली. याबाबत वन विभागाला माहिती देण्यात आली आहे. मात्र, बिबट्या उसाच्या फडात परतला असल्याने त्याचा शोध निरर्थक ठरला. रात्रीच्यावेळी असलेली बिबट्याची दहशत आता दिवसाढवळ्याही दिसत असून गावातील शेतकरी धास्तावले आहेत.