Latest Marathi News- Breaking News Today | Read Marathi Batmya from Maharashtra, India ब्रेकींग मराठी न्यूज at https://loksatta.com/

स्वाभिमानी शेतकरी संघटनेचे नेते राजू शेट्टी यांचीही निर्णयावर टीका

…तर सरकारने सर्व कांदा उत्पादन खर्चासह ५० टक्के नफ्याने खरेदी करावा -धनंजय मुंडे

देशातील कांद्याचे वाढते दर नियंत्रणात आणण्यासाठी केंद्र सरकारने रविवारी सर्व प्रकारच्या कांदा निर्यातीवर बंदी घालण्याचा निर्णय घेतला. विधान परिषदेतील विरोधीपक्ष नेते धनंजय मुंडे यांनीही केंद्राच्या या निर्णयाला विरोध केला आहे. “तडकाफडकी निर्बंध घालून बाजारभाव पाडायचा असेल तर शेतातला सर्व कांदा उत्पादन खर्च अधिक ५० टक्के नफा या दराने केंद्र सरकारने खरेदी करावा. नाहीतर आम्ही रस्त्यावर उतरू,”असा इशारा त्यांनी दिला आहे.

महापूराचा फटका बसल्यामुळे महाराष्ट्रासह देशातील इतर राज्यातील कांदा उत्पादनावर परिणाम झाला आहे. याचा परिणाम म्हणून पाकिस्तानमधून कांदा आयात करण्यात आला होता. त्याचबरोबर निर्यातमूल्यातही वाढ केलेली आहे. तरीही कांद्याचे दर नियंत्रणात येत नसल्याने केंद्र सरकारने कांद्याच्या निर्यातीवर बंदी घातली. केंद्रीय वाणिज्य मंत्रालयाने यासंदर्भात रविवारी पत्रक जारी केले होते. कांद्याच्या निर्यात बंदीचा निर्णय तात्काळ लागू केला गेल्याचे वाणिज्य मंत्रालयाने म्हटले होते.

‘महाग झालाय तर कांदा कमी खा’; भाजपाच्या मंत्र्याचा सल्लाhttps://t.co/NQz8cdshyN
हा सल्ला दिल्यानंतर मंत्री महोदय मोठ्याने हसतच आपल्या गाडीकडे गेले#OnionPrice #UttarPradesh #YogiAdityanath
— LoksattaLive (@LoksattaLive) September 30, 2019

केंद्राच्या या निर्णयावर विधान परिषदेतील विरोधी पक्षनेते आणि राष्ट्रवादीचे नेते धनंजय मुंडे यांनी टीका केली आहे. मुंडे म्हणाले, “शेतकऱ्यांना बाजारभाव मिळाल्यावर सरकार निर्यातीवर निर्बंध आणतंय. २-२ महिने आंदोलन केल्यानंतर १-२ रुपयांची मदत शेतकऱ्यांना मिळते. तडकाफडकी निर्बंध घालून बाजारभाव पाडायचा असेल, तर शेतातला सर्व कांदा उत्पादन खर्च अधिक ५० टक्के नफा या दराने सरकारने खरेदी करावा. नाहीतर आम्ही रस्त्यावर उतरू,” असा इशारा धनंजय मुंडे यांनी दिला आहे.

शेतकऱ्यांना बाजारभाव मिळाल्यावर सरकार निर्यातीवर निर्बंध आणतंय. २-२ महिने आंदोलन केल्यानंतर १-२ रुपयाची मदत शेतकऱ्यांना मिळते. तडकाफडकी निर्बंध घालून बाजारभाव पाडायचा असेल तर शेतातला सर्व कांदा उत्पादन खर्च अधिक ५०% नफा या दराने सरकारने खरेदी करावा. नाहीतर आम्ही रस्त्यावर उतरू. pic.twitter.com/KGcMfUkznj
— Dhananjay Munde (@dhananjay_munde) September 30, 2019

स्वाभिमानी शेतकरी संघटनेचे नेते राजू शेट्टी यांनीही या निर्णयावर टीका केली होती. केंद्राने निर्यातमूल्य वाढवलेलं आहे. त्यात पुन्हा कांदा निर्यात थांबवली आहे. महिना दीड महिन्यात खरिपाचा कांदा बाजारात येईल. तेव्हा शेतकऱ्यांना यांचा फटका बसणार आहे. आयात निर्यातीचं धोरण स्थिर असावं. ज्यामुळे शेतकऱ्यांना निर्यात करताना फायदा होईल, अशी मागणी आम्ही वारंवार करत आहोत. हा पोरखेळ सुरू आहे. ज्यावेळी शेतकरी रस्त्यावर फेकत होते. तेव्हा खरेदी करण्यात आली नाही. आता शेतकऱ्यांना दर कमी करण्यासाठी निर्यात बंदी केली,” अशी टीका स्वाभिमानी शेतकरी संघटनेचे नेते राजू शेट्टी यांनी केली.

First published on: 30-09-2019 at 12:11 IST

Web Title: All onions should be purchased by the government with profitable price bmh

…तर सरकारने सर्व कांदा उत्पादन खर्चासह ५० टक्के नफ्याने खरेदी करावा -धनंजय मुंडे

स्वाभिमानी शेतकरी संघटनेचे नेते राजू शेट्टी यांचीही निर्णयावर टीका