कोल्हापूर: मुख्यमंत्र्यांसमवेत गुंडाचा फोटो लावलेले फलक उतरवले

हेही वाचा- प्रताप सरनाईकांकडून तब्बल ७५ तोळं सोनं तुळजाभवानीला अर्पण

महाराष्ट्र राज्य नियोजन मंडळाचे कार्यकारी अध्यक्ष व बाळासाहेबांचे ठाकरे सेनेचे स्थानिक नेते राजेश क्षीरसागर यांच्या वाढदिवसानिमित्त शहरात काही फलक लावले आहेत. त्यामध्ये मुख्यमंत्री एकनाथ शिंदे व क्षीरसागर यांच्या प्रतिमेसमवेत संघटित गुन्हेगारी कायदा (मोका ) अंतर्गत कारवाई झालेला अट्टल गुंड अमोल भास्कर यांनीही फलक उभारले होते. थेट मुख्यमंत्रीच गुंडांसमवेत चमकू लागल्याने त्यावरून समाज माध्यमातून संतप्त प्रतिक्रिया उमटल्या.

हेही वाचा- एकही गाव राज्याबाहेर जाऊ देणार नाही!; मुख्यमंत्री, उपमुख्यमंत्र्यांची ग्वाही; कर्नाटकच्या मुख्यमंत्र्यांचा दावा अमान्य

त्यावर भास्कर अमोल भास्कर यांच्यावरील मोका कारवाई दोन महिन्यापूर्वी रद्द झाली आहे. हा मुद्दा पुढे करून त्याचे फलक काहीनी राजकीय प्रतिष्ठा करून पुन्हा उभारण्यास भाग पाडल्याची चर्चा रंगली होती. परंतु त्यानंतरही नागरिकांनी आपला संताप नोंदवणे कायम सुरूच ठेवले. तर दुसरीकडे माध्यमातून याची जोरदार चर्चा होत राहिली. यामुळे रातोरात पुन्हा अमोल भास्कर याचे फलक काढून टाकण्यात आले. या जागी अन्य फलक उभारले गेले आहेत.