scorecardresearch

Premium

“देशातली कुठलीच शक्ती मराठ्यांना कुणबी प्रमाणपत्र…”, बच्चू कडूंचं मोठं वक्तव्य, भुजबळांवर हल्लाबोल करत म्हणाले…

मराठा समाजाला आरक्षण देण्यासाठी गठीत केलेली न्यायमूर्ती संदीप शिंदे यांच्या अध्यक्षतेखालील समिती रद्द करण्याची मागणी छगन भुजबळ यांनी केली आहे.

bacchu kadu chhagan bhujbal (1)
छगन भुजबळ यांनी मराठा आरक्षणाविरोधात आक्रमक भूमिका घेतली आहे.

महाराष्ट्रात मराठा आरक्षणावरून मोठा राजकीय पेच निर्माण झाला आहे. राज्याचे अन्न आणि नागरी पुरवठा मंत्री तथा राष्ट्रवादीच्या अजित पवार गटातील नेते छगन भुजबळ यांनी मराठा समाजाला ओबीसींमधून आरक्षण देण्यास विरोध दर्शवला आहे. दुसऱ्या बाजूला मनोज जरांगे पाटील हे त्यांच्या मागणीवरून मागे हटण्यास तयार नाहीत. दरम्यान, छगन भुजबळ यांनी मराठा आरक्षणाविरोधात आक्रमक भूमिका घेतली आहे. मराठा समाजाला आरक्षण देण्यासाठी गठीत केलेली न्यायमूर्ती संदीप शिंदे यांच्या अध्यक्षतेखालील समिती तत्काळ रद्द करा आणि मराठ्यांना कुणबी प्रमाणपत्र देणं थांबवा, अशी मागणी छगन भुजबळ यांनी केली आहे. हिंगोली येथे आयोजित ओबीसी एल्गार सभेत बोलताना त्यांनी ही मागणी मांडली.

भुजबळ यांच्या या मागणीला सत्ताधारी पक्षांमधील नेत्यांनी विरोध केला आहे. आमदार बच्चू कडू यांनी भुजबळांच्या मागणीचा कडाडून विरोध केला आहे. बच्चू कडू म्हणाले, ज्या मराठा कुटुंबांच्या कुणबी नोंदी आहेत त्यांना जातीचा दाखला देण्यापासून या देशातली कोणतीही शक्ती थांबवू शकत नाही. छगन भुजबळांचा बोभाटा सुरू आहे की पाच कोटी मराठे ओबीसीत सामील होणार आहेत. मग हा विदर्भातला बच्चू कडू जो ५० वर्षांपासून ओबीसीत आहे त्याचं काय?

Investigation, Marathi Film Corporation, Financial Irregularities, Meghraj Rajebhosale, Chairman, Opposition Backlash,
मराठी चित्रपट महामंडळाच्या आर्थिक गैरव्यवहाराचा अहवाल दोन महिन्यांत सादर करण्याचे आदेश; मेघराज राजेभोसले यांना विरोधकांचा धक्का
bhagwant maan
पंजाबचे मुख्यमंत्री नव्या भूमिकेत; केंद्र आणि शेतकऱ्यांच्या चर्चेत मध्यस्थ म्हणून भगवंत मान यांची महत्त्वपूर्ण भूमिका
EKnath Shinde and Uddhav Thackeray (1)
“मिंध्यांच्या दाढीला खेचून कुठूनही उचलून आणलं असतं”, ठाकरेंच्या टीकेवर मुख्यमंत्री म्हणाले, “वर्षाची माडी…”
nirmala sitaraman
पंतप्रधान मोदी महिलांना गिफ्ट देण्याच्या तयारीत? महिलांना कर रचनेतून दिलासा मिळण्याची शक्यता

बच्चू कडू म्हणाले, माझे माय-बाप आणि आधीच्या पिढ्यांपासून आम्ही सगळेच ओबीसीत आहोत. आम्ही मराठेच होतो, कुणबी प्रमाणपत्रामुळे ओबीसी झालो. विदर्भातला मराठा ओबीसीत सामील झाला, कुणबी नोंदी असलेला खानदेशातला, पश्चिम महाराष्ट्रातला आणि कोकणातला मराठाही ओबीसीत सामील झाला आहे. केवळ मराठवाड्याचा प्रश्न होता. जो सोडवण्यात आला आहे. आता नोंदी असलेल्या सगळ्यांनाच प्रमाणपत्र मिळेल. मराठा हा कुणबीच आहे. तो कुणबी नाही तर मग दुसरा काय आहे ते कोणत्याही माय का लालने येऊन आम्हाला सांगावं.

हे ही वाचा >> “बिहारप्रमाणे महाराष्ट्रातही आरक्षणाची मर्यादा वाढवा, त्याआधी…”, मनोज जरांगेंचा राज्य सरकारला सल्ला

फक्त मराठवाड्यातील मराठ्यांचा प्रश्न सोडवायचा आहे : बच्चू कडू

बच्चू कडू म्हणाले, आत्ता केवळ मराठवाड्यातल्या आठ जिल्ह्यांचा विषय आहे. प्रत्येक जिल्ह्यांमधील मराठ्यांच्या कुटुंबांची संख्या साधारण चार लाखांच्या आसपास आहे. आठ जिल्हे गुणिले चार लाख म्हणजे ३२ लाख मराठा कुटुंबं असतील. त्यातले अर्धे नोंदी नसल्यामुळे बाद होतील, त्यामुळे फक्त १६ लाख राहतील. प्रति कुटुंब चार व्यक्ती या हिशेबाने ६४ लाख मराठे असतील. त्यापैकी ३६ लाख लोकांना प्रमाणपत्र मिळालं आहे. मग उरलेल्या २५ ते ३० लाख लोकांचा विषय बाकी आहे. नोंदी असलेल्या मराठ्यांना कुणबी प्रमाणपत्र देणं कायदेशीर आहे. त्यास कोणीच अडवू शकत नाही. मी ही गोष्ट मुद्दाम सांगतोय.

Latest Comment
View All Comments
Post Comment

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Bachchu kadu says no one can stop from giving kunbi certificate to maratha community asc

First published on: 29-11-2023 at 19:59 IST

आजचा ई-पेपर : महाराष्ट्र

वाचा
epaper image

संबंधित बातम्या

तुम्ही या बातम्या वाचल्या आहेत का? ×