scorecardresearch

शिंदे गटाकडून शिवसेनेच्या १४ आमदारांना अपात्रतेची नोटीस; आदित्य ठाकरेंचे नाव वगळले

व्हीप विरोधात मतदान करणाऱ्या शिवसेनेच्या १४ आमदारांना भारत गोगावले यांनी नोटीस पाठवली आहे.

Notice to 14 Shiv Sena MLAs from Shinde group
शिंदे गटाकडून शिवसेनेच्या १४ आमदारांना नोटीस

विधानसभा अध्यक्षांच्या निवडणुकीत व्हीप झुगारून मतदान करणाऱ्या शिवसेनेच्या १४ आमदारांना शिंदे गटाकडून आपात्रतेची नोटीस पाठण्यात आली आहे. शिंदे गटाचे प्रतोद भरत गोगावले यांनी याबाबत माहिती दिली. गोगवले यांनी याबाबत विधानसभा अध्यक्षांकडे तक्रारही दाखल केली होती. दरम्यान बाळासाहेब ठाकरेंबद्दलच्या आदरापोटी आदित्य ठाकरे यांचे नाव वगळून इतर १४ आमदारांना शिंदे गटाकडून नोटीस पाठवण्यात आली आहे.

 बाळासाहेब ठाकरे यांच्याबद्दलचा आदर असल्यामुळे आम्ही आदित्य ठाकरे यांचे नाव अपात्रतेसाठी दिलेल नाही. मात्र, यावर मुख्यमंत्री निर्णय घेतील असे भरत गोगावले म्हणाले.

शिंदे-फडणवीस सरकारने विश्वासदर्शक ठराव जिंकला

विधानसभा अध्यक्ष निवडणुकीच्या निमित्ताने शिंदे-भाजपा सरकारने पहिली लढाई जिंकल्यानंतर आता विश्वासदर्शक ठरावही जिंकला आहे. राज्यपालांच्या निर्देशानुसार दोन दिवसांचं विशेष अधिवेशन बोलावण्यात आलं आहे. पहिल्या दिवशी भाजपाच्या राहुल नार्वेकर यांची अध्यक्षपदी निवड झाल्यानंतर आज विश्वासदर्शक ठराव मांडण्यात आला. यावेळी शिंदे गट आणि भाजपाने १६४ मतं मिळवत विश्वासदर्शक ठराव जिंकला. महाविकास आघाडीला ९९ मतं मिळाली, तर तीन आमदार तटस्थ राहिले.

मराठीतील सर्व महाराष्ट्र ( Maharashtra ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Bharat gogavale sent notices to 14 shiv sena mlas who voted against the whip dpj

ताज्या बातम्या