“मालकाच्या कर्तृत्वाचं जाहीर पोतेरं करू नये”, अतुल भातखळकरांचा संजय राऊतांना खोचक सल्ला!

काय आहे सामनाच्या बातमीत?

ओडिशा आणि पश्चिम बंगालला तडाखा बसलेल्या यास चक्रीवादळादरम्यान पश्चिम बंगालच्या मुख्यमंत्री ममता बॅनर्जी या मंगळवारी रात्रभर मंत्रालयातल्या नियंत्रण कक्षात थांबल्या होत्या. त्यासाठी ममता बॅनर्जी यांचं कौतुक करणारी ही बातमी छापून आल्यानंतर अतुल भातखळकर यांनी त्याचा फोटो शेअर करत संजय राऊतांना टोला लगावला आहे.

“संजय राऊतांचा उद्धवजींवर राग”

“संजय राऊतांचा काय राग आहे कोण जाणे उद्धवजींवर. तौते वादळाच्या काळात उद्धव ठाकरे घरी दडी मारून बसलेले होते हे सांगण्याची काय तऱ्हा आहे पाहा. सामनाची बातमी…यास वादळाचा धोका, ममता रात्रभर मंत्रालयात ठाण मांडणार. मालकाच्या कर्तृत्वाचे असे जाहीर पोतेरे करू नये”, असं भातखळकर या ट्वीटमध्ये म्हणाले आहेत.

संजय राऊतांचा काय राग आहे कोण जाणे उद्धवजींवर. तौक्ते वादळाच्या काळात @OfficeofUT घरी दडी मरून बसलेले हे सांगण्याची काय तऱ्हा आहे पाहा…

सामानाची बातमी…
‘यास वादळाचा धोका, ममता रात्रभर मंत्रालयात ठाण मांडणार.’

मालकाच्या कर्तृत्वाचे असे जाहीर पोतेरे करू नये.@rautsanjay61 pic.twitter.com/7Hda1T7EUw

— Atul Bhatkhalkar (@BhatkhalkarA) May 26, 2021

“वडिलोपार्जित कंपन्यांसारखे सरकार चालवू नका,” भाजपा नेता रोहित पवारांवर संतापला

गेल्या काही दिवसांपासून भाजपा आमदार अतुल भातखळकर यांनी शिवसेनेवर सातत्याने टीका केल्यामुळे त्यांच्यात आणि शिवसेनेत्या नेत्यांमध्ये राजकीय कलगीतुरा रंगताना पाहायला मिळत आहे.