“संजय राऊतांनी वापरलेल्या शब्दांचं एक पुस्तक मी…”, ईडीच्या कारवाईनंतर चंद्रकांत पाटलांचा खोचक निशाणा!

संजय राऊतांनी भाजपावर निशाणा साधतानाच किरीट सोमय्या यांच्यावर देखील शेलक्या शब्दांमध्ये टीका केली आहे. यावेळी त्यांची भाषा आक्षेपार्ह असल्याची टीका आता होऊ लागली आहे. “किरीट सोमय्या चु*** आहे. महाराष्ट्रद्वेष्टा आहे. जो माणूस मराठीच्या विरोधात कोर्टात जातो, तो आम्हाला अक्कल शिकवणार का? कोण आहे तो?” असं राऊत म्हणाले आहेत. तसेच, “मी तुमच्या बापाला घाबरत नाही. तुमचा बाप जरी खाली आला, तरी मी गुडघे टेकणार नाही”, असं देखील राऊत म्हणाले आहेत.

“किरीट सोमय्या चु** आहे”, ईडीच्या कारवाईनंतर संजय राऊतांची आगपाखड; म्हणाले, “तो आम्हाला अक्कल शिकवणार का?”

“हे शब्द महाराष्ट्राच्या संस्कृतीत बसतात का?”

दरम्यान, यानंतर चंद्रकांत पाटलांनी त्यांना प्रत्युत्तर दिलं आहे. “गेल्या दोन अडीच वर्षांत रोज ते शिव्या देत आहेत. त्यांच्याकडून अशाच प्रकारच्या भाषेची अपेक्षा आहे. त्यांनी वापरलेल्या शब्दांचं एक पुस्तक तयार करायचं काम मी एकाला दिलं आहे. मी महाराष्ट्राच्या जनतेला विचारणार आहे, ‘उखडणार आहेत का?’ ‘भिकारडे’ हे शब्द महाराष्ट्राच्या संस्कृतीत बसतात का?” असं पाटील म्हणाले.

“एरवी आम्हाला भरपूर मार्गदर्शन केलं जातं की तुमची भाषा सांभाळा वगैरे. एक गोपीचंद पडळकर कधी बोलला तर आम्ही त्याला ताबडतोब सांगतो की काय बोलायचं ते नीट बोलायचं. आपली संस्कृती सोडायची नाही. त्यानंतर गोपीचंद पडळकर एकदाही पवारांवर बोलले नाहीत. पण संजय राऊतांनी हे बोलणं काही नवीन नाही. माझ्याबद्दल तर ते इतके बोलले आहेत”, अशा शब्दांत चंद्रकांत पाटील यांनी संजय राऊतांना सुनावलं आहे.

ईडीच्या कारवाईनंतर संजय राऊतांचं भाजपाला आव्हान; म्हणाले, “…तर सगळी मालमत्ता भाजपाला दान करू!”

“आता लोक एन्जॉय करतात”

दरम्यान, संजय राऊतांच्या पत्रकार परिषदांना आता लोक गांभीर्याने घेत नसल्याचा टोला चंद्रकांत पाटील यांनी लगावला. “सुरुवातीच्या काळात लोक कौतुकाने ऐकायचे. यांची भाषा, यांचं खोटं बोलणं, यांचे आरोप… आता कुणी त्यांच्या पत्रकार परिषदा बघत नाहीत.. बघितलं तरी एन्जॉय करतात”, असं राऊत म्हणाले आहेत.