“भाजपा छोट्या पक्षांना वापरून फेकून देते”, बच्चू कडू-महादेव जानकरांच्या आरोपांना बावनकुळेंचं उत्तर; म्हणाले, “जाणीवपूर्वक…”

दरम्यान, भाजपा प्रदेशाध्यक्ष चंद्रशेखर बावनकुळे यांनी बच्चू कडू आणि महादेव जानकरांच्या आरोपांना उत्तर दिलं आहे. बावनकुळे म्हणाले, बच्चू कडू आणि महादेव जानकर या दोन्ही नेत्यांचा भाजपाने नेहमीच सन्मान केला आहे. मी बच्चू कडू यांना सांगेन की, तुम्हाला महाविकास आघाडीत जेवढा मान-सन्मान नव्हता त्यापेक्षा जास्त सन्मान महायुतीच्या सरकारने दिला आहे. मला अभिमान आहे की मुख्यमंत्री एकनाथ शिंदे यांच्याकडे तुम्ही जी कामं घेऊन गेलात ते प्रत्येक काम मुख्यमंत्र्यांनी केलं आहे. कारण तुम्ही आमच्या सरकारला पाठिंबा दिला आहे. त्यामुळे तुमच्यासह प्रत्येक लोकप्रतिनिधीची सर्व कामं करणं ही सरकारची जबाबदारी आहे. तुम्हाला आम्ही चांगलं सांभाळलं आहे.

आणखी वाचा

रस्ता नसल्याने मृतदेह झोळी करून वाडीवर नेण्याची वेळ…

Poonam Mahajan : ‘प्रमोद महाजन यांना ठार करण्याचं…

Nana Patole : “देवेंद्र फडणवीस मुख्यमंत्री कसे होतील? ते निवडून येणारच नाहीत..”; नाना पटोले काय म्हणाले?

Raj Thackeray : राज ठाकरेंची उद्धव ठाकरेंवर जोरदार टीका, “बाळासाहेब ठाकरे म्हणाले होते माझ्या शिवसेनेची काँग्रेस होताना दिसली तर..”

अजित पवार म्हणाले, “धरसोड केली तर तुमची विश्वासार्हता राहात नाही”; मुख्यमंत्रीपदाबाबतही तडजोडीची तयारी!

Raj Thackeray : राज ठाकरेंचं वक्तव्य, “रतन टाटांसारखा सभ्य व्यावसायिक सगळ्यांना आवडतो मग राजकारणी डँबिस…”

चुकीची माणसं आजपर्यंत निवडून दिल्याने कोकण मागे पडले – राज ठाकरे

“मी आता काय करायचं हे शरद पवारांनी सांगावं”, अजित पवारांची ‘त्या’ विधानावर टिप्पणी; मांडलं ६० वर्षांचं गणित!

“…तर मी या निवडणुकीतून माघार घ्यायला तयार आहे”; उद्धव ठाकरेंचे पंतप्रधान मोदींना आव्हान!

चंद्रशेखर बावनकुळे महादेव जानकर यांना उद्देशून म्हणाले, तुम्हाला माझी विनंती आहे की भाजपावर टीका करण्यापेक्षा, आमच्यावर टीका करण्यापेक्षा एकत्र काम करू. तुम्हीसुद्धा देवेंद्र फडणवीस यांच्या सरकारमध्ये मंत्री होता. जेव्हा जेव्हा संधी मिळाली तेव्हा प्रत्येक वेळी छोट्या पक्षांना पूर्ण ताकदीने सांभाळण्याचं काम आम्ही केलं आहे. सदाभाऊ खोतांनाही विचारा. खरंतर काहीजण निवडणुकीच्या काळात जाणीवपूर्वक नॅरेटिव्ह सेट करण्याचा प्रयत्न करत आहेत की एनडीएत छोट्या पक्षांना काही मिळत नाही. परंतु, आमच्याकडे तशी स्थिती नाही.

हे ही वाचा >> “जगाच्या इतिहासात असं जागावाटप झालं नाही”, प्रकाश आंबेडकरांच्या ‘त्या’ मागणीवर संजय राऊतांची नाराजी

भाजपा प्रदेशाध्यक्ष म्हणाले, तुम्ही भाजपाचा इतिहास पाहा. अटल बिहारी वाजपेयींपासूनचा इतिहास तपासून पाहा, नरेंद्र मोदी आणि देवेंद्र फडणवीस यांचा इतिहास पाहा. आम्ही जेव्हा जेव्हा सत्तेत आलो तेव्हा तेव्हा लहान पक्षांना खूप मोठं स्थान दिलं आहे. एनडीए आणि सरकारमध्ये त्यांना सांभाळलं आहे. आम्ही लहान पक्षांना धाकट्या भावाप्रमाणे सांभाळतो. कधीही लहान पक्षाला कमजोर करण्याचा प्रयत्न करत नाही.