“सरकार आमचं, महापालिका आमची, उद्धव ठाकरेंचा काय संबंध?”; होर्डिंग दुर्घटनेवरून छगन भुजबळांनी सुनावलं

तसेच किरीट सोमय्या यांनीही उद्धव ठाकरे यांच्यावर हल्लाबोल केला होता. आता या होर्डिंगच्या घटनेवर राष्ट्रवादी अजित पवार गटाचे नेते छगन भुजबळ यांनी प्रतिक्रिया देत उद्धव ठाकरे यांची बाजू घेतली आहे. “सरकार आमचं, महापालिका आमची, मग उद्धव ठाकरे यांचा काय संबंध?”, असा सवाल भुजबळांनी भाजपाच्या नेत्यांना केला आहे. ते माध्यमांशी बोलत होते.

आणखी वाचा

बुलढाणा : राष्ट्रपिता महात्मा गांधींबद्दल आक्षेपार्ह ‘पोस्ट’! युवक सत्ताधारी पक्षाचा…

Bigg Boss Marathi 5: सर्व एलिमिनेटेड सदस्यांची घरात…

महायुती सरकारच्या निर्णयांची अंमलबजावणी कधी? काँग्रेस प्रभारी रमेश चेन्नीथला यांचा सवाल

येचुरींमुळे ‘इंडिया’ महाआघाडी एकत्र! शोकसभेत घटक पक्षांच्या नेत्यांकडून भावना व्यक्त

वनराज आंदेकर खून प्रकरणात पिस्तूल पुरविणारा सराइत गजाआड, गुन्हे शाखेची कारवाई

Vijay Wadettiwar : “…मग ब्रिजभूषण सिंह यांचे एन्काऊंटर का केले नाही?”; अक्षय शिंदे मृत्यू प्रकरणावरून विजय वडेट्टीवारांचं पुन्हा शिंदे सरकारवर टीकास्र!

नक्षलवादी चळवळीला हादरा; कमांडर रुपेश मडावी चकमकीत ठार…

“या प्रकरणाची न्यायालयीन चौकशी नक्कीच होईल, कारण…”; अक्षय शिंदेच्या मृत्यूप्रकरणी उज्वल निकम यांची प्रतिक्रिया!

हेही वाचा : घाटकोपर होर्डिंग दुर्घटना, १४ लोकांच्या मृत्यूला जबाबदार असणारे भावेश भिंडे बेपत्ता

छगन भुजबळ काय म्हणाले?

“घाटकोपरमध्ये काल जी होर्डिंगची घडना घडली, त्यामध्ये दुर्देवी मृत्यू झाले. वांद्रा येथून सांताक्रुज जात असताना मोठमोठे होर्डिंग लावलेले आहेत. अनेक ठिकाणी तर ते रस्त्याच्या मध्येही आलेले आहेत. त्याचे वजन मोठ्या प्रमाणात असते. त्यातील काही बेकायदेशीर असतात. याबाबत तक्रारीही दाखल झालेल्या आहेत. त्यामुळे या सर्व होर्डिंगची चौकशी करण्यात यावी, अशी मागणी माझी आहे. ही चौकशी महानगरपालिकांनी केली पाहिजे”, असं मत छगन भुजबळ यांनी मांडलं.

“असा प्रकारचे होर्डिंग असले की काही सांगतात बेकायदेशीर आहे, नोटीस दिलेली आहे. पण बेकायदेशीर असतील तर वेळ न लावता लगेच कारवाई झाली पाहिजे. लोकांचा मृत्यू झाल्यानंतर हे धाव घेतात. आता त्या घटनेत ज्यांचा मृत्यू झाला त्यामध्ये त्यांचा काय दोष? तेथून जाणाऱ्या लोकांचा काय गुन्हा आहे? यानंतर सरकार मृत्यू झालेल्यांच्या कुटुंबीयांना पाच-पाच लाख देईल, पण म्हणजे सगळं संपलं का? आता तरी सर्व होर्डिंगची चौकशी झाली पाहिजे”, असं भुजबळ म्हणाले.

भुजबळांनी घेतली ठाकरेंची बाजू

“आता सरकार आमचं, महापालिका आमचीच, मग उद्धव ठाकरेंचा काय संबंध? जे व्यापारी लोकं असतात ते आमच्याकडे येत असतात. फोटो काढत असतात. आता माझ्याकडे अनेकजण येतात आणि फोटो काढतात. ते कोण आहे हे देखील लक्षात येत नाही. आल्यानंतर आपण त्यांना फोटो काढायला नाही कसे म्हणणार? त्यामुळे फोटोवरून काही तर्क काढणे हे योग्य नाही”, असं छगन भुजबळ यावेळी म्हणाले.