चिपळूणच्या लोकमान्य टिळक वाचन मंदिराला मुख्यमंत्र्यांनी दिली अडीच हजार पुस्तकांची भेट

अतिवृष्टीमुळे चिपळूण शहरात महापुराचं पाणी शिरल्याने १८६४ साली स्थापन झालेल्या लोकमान्य टिळक स्मारक वाचन मंदिरातील पुस्तकांचं मोठ्या प्रमाणात नुकसान झालं.

cm-uddhav-thackeray-gifted-two-and-a-half-thousand-books-to-lokmanya-tilak-library-in-chiplun-gst-97
चिपळूणच्या लोकमान्य टिळक वाचन मंदिरासाठी अडीच हजार पुस्तकं घेऊन जाणारं वाहन मुख्यमंत्र्यांच्या हस्ते रवाना (Photo : CMO Maharashtra/Twitter)

मुख्यमंत्री उद्धव ठाकरे यांच्या हस्ते चिपळूणमधील लोकमान्य टिळक स्मारक वाचन मंदिरासाठी मोठी ग्रंथसंपदा रवाना करण्यात आली आहे. कोकणात जुलै महिन्यात झालेल्या अतिवृष्टी व महापुरामुळे चिपळूण शहराचं अभूतपूर्व नुकसान झाल्याचं पाहायला मिळालं. याच महापुराच्या संकटामुळे या वाचन मंदिराच्या ग्रंथसंपदेचं प्रचंड नुकसान झालं होत. परंतु, आता या वाचनालयासाठी महाराष्ट्र शासनाच्या मराठी भाषा विभागाने अडीच हजार पुस्तकं भेट दिली आहेत. ही ग्रंथसंपदा घेऊन जाणाऱ्या वाहनाला मुख्यमंत्र्यांच्या हस्ते रवाना करण्यात आलं आहे.

१८६४ साली स्थापना, तर १५७ वर्षांची परंपरा

अतिवृष्टीमुळे चिपळूण शहरात महापुराचं पाणी शिरल्याने १८६४ साली स्थापन झालेल्या व १५७ वर्षांची परंपरा लाभलेल्या लोकमान्य टिळक स्मारक वाचन मंदिरातील पुस्तकांचं मोठ्या प्रमाणात नुकसान झालं होतं. हे नुकसान विचारात घेऊन वाचनसंस्कृतीचं वातावरण पुन्हा एकदा पूर्वपदावर आणण्यासाठी मराठी भाषा विभागाच्यावतीने या वाचनालयाला अडीच हजार पुस्तकं देण्यात येत असल्याची माहिती मराठी भाषा विभागाचे मंत्री सुभाष देसाई यांनी दिली आहे.

वाचनसंस्कृती अखंडीत राहावी

अनेक वर्षाची समृद्ध वाचन परंपरा असलेल्या या वाचनालयाला मदत व्हावी, वाचकांना पुन्हा वाचनासाठी पुस्तकं उपलब्ध व्हावीत आणि वाचनसंस्कृती अखंडीत राहावी या हेतूने वाचनालयाला राज्य मराठी विकास संस्था व महाराष्ट्र राज्य साहित्य आणि संस्कृती मंडळ या कार्यालयांच्या पुढाकारातून मराठी भाषा विभागाकडून वैविध्यपूर्ण विषयांवरील तब्बल अडीच हजार पुस्तक भेट देण्यात आली आहेत.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Cm uddhav thackeray gifted two and a half thousand books to lokmanya tilak library in chiplun gst

Next Story
आश्रमशाळांच्या विद्यार्थ्यांना “संगणक साक्षर” करण्याची योजना बारगळली
ताज्या बातम्या