“विमानतळासाठी अनेकांचं योगदान; एकट्या-दुकट्याने…”, चिपी विमानतळाच्या श्रेयवादावर अजित पवारांचा टोला!

आपल्या भाषणाची सुरुवातच अजित पवार यांनी “या कार्यक्रमाला ऑनलाईन उपस्थित असलेले केंद्रीय मंत्री ज्योतिरादित्य सिंदिया आणि दुसरे केंद्रीय मंत्री नारायण राणे”, अशी केल्यामुळे उपस्थित सगळ्यांच्याच भुवया उंचावल्या. “खूप दिवसांपासून कोकणवासीयांचं, महाराष्ट्राचं स्वप्न होतं की जगातनं लोक गोवा पाहायला येतात. पण गोव्याच्या तोडीचेच किनारे रत्नागिरी, सिंधुदुर्गाला लाभलेत. त्याला वाव कसा देता येईल. ते स्वप्न आज साकार झालं”, असं देखील अजित पवार यांनी नमूद केलं.

Chipi Airport : “ज्यांनी विरोध केला ते स्टेजवरच आहेत, किती भांडं फोडायचं?” उद्घाटन कार्यक्रमातच नारायण राणेंचा सवाल!

“प्रत्येकानं जबाबदारी पार पाडायची असते”

यावेळी बोलताना अजित पवार यांनी श्रेयवादाच्या राजकारणावर टोला लगावला. “या विमानतळाचा इतिहास खूप मोठा आहे. अनेकांचं त्यात योगदान आहे. कुठलीही गोष्ट एकट्या-दुकट्याने होत नसते. ही सामुदाकिय जबाबदारी असते आणि प्रत्येकानं ती जबाबदारी पार पाडायची असते”, असं अजित पवार यावेळी म्हणाले. “विमानतळासाठी पाठपुरावा करणाऱ्या सर्व लोकप्रतिनिधींचे, अधिकाऱ्यांचे मी आभार मानतो”, असं देखील अजित पवार यांनी नमूद केलं.