शेतकऱ्यांना दिवसा वीज देण्याबाबत देवेंद्र फडणवीसांची अर्थसंकल्पात मोठी घोषणा; जाणून घ्या

“अमृतकाळातील पहिला अर्थसंकल्प ‘पंचामृत’ ध्येयावर आधारीत आहे. शेतकऱ्यांना केवळ १ रूपयांत पीकविमा देण्यात येणार आहे. यासाठी ३ हजार ३१२ कोटी रूपयांचा भार सरकार उचलणार आहे,” अशी माहिती देवेंद्र फडणवीस यांनी दिली.

हेही वाचा : शेतकऱ्यांसाठी शिंदे-फडणवीस सरकारची मोठी घोषणा, दरवर्षी मिळणार ‘इतके’ हजार रुपये

“शेतकऱ्यांना दिवसा वीज पुरवठा होण्यासाठी आगामी तीन वर्षात ३० टक्के वीज वाहिन्यांचे सौरउर्जेत रुपांतर करण्यात येणार आहे. याचा सुमारे ९.५० लाख शेतकऱ्यांना लाभ होणार आहे. पंतप्रधान कुसूम योजनेतून पुढील वर्षात दीड लाख शेतकऱ्यांना कृषीपंप देण्यात येतील. प्रलंबित ८६ हजार कृषी पंपधारकांना तात्काळ वीज जोडण्या देण्यात येणार आहे,” अशी माहिती देवेंद्र फडणवीस यांनी दिली.