शिवसेनेचे आमदार गुलाबराव पाटील आणि महसूल व जिल्ह्य़ाचे पालकमंत्री एकनाथ खडसे यांच्यातील वादाने बुधवारी वेगळेच वळण घेतले असून खडसे यांनी पाटील यांच्या विरोधात येथील दिवाणी न्यायालयात पाच कोटी रुपयांचा मानहानीचा दावा दाखल केला आहे.
पाटील यांनी विधानसभा अधिवेशन तसेच जिल्ह्य़ातील जाहीर सभांमधून खडसे यांच्यावर काही प्रकरणांमध्ये अनुदान लाटल्याचे आरोप केले आहेत. खडसे यांनी सर्व आरोप बिनबुडाचे असल्याचे म्हटले आहे. सूत गिरणीसाठी १६१ कोटी रुपये अनुदान घेतले. परंतु, प्रत्यक्षात गिरणीला आतापर्यंत २० कोटी रुपये मिळाले आहेत. गिरणीचा प्रकल्प ५८ कोटी रुपयांचा असल्याची माहिती खडसे यांनी येथे दिली.