Eknath Shinde : “शेतकरी खचून गेले आहेत पण सरकार त्यांच्या पाठिशी आहे, आम्ही..”; एकनाथ शिंदे काय म्हणाले?

महाराष्ट्रातील पूरस्थितीबाबत एकनाथ शिंदे काय म्हणाले?

आम्ही शेतकऱ्यांशी संवाद साधला. शेतकऱ्यांनी त्यांच्या व्यथा मांडल्या. अनेकांनी आम्हाला सांगितलं की अशा प्रकारचा पाऊस गेल्या कित्येक वर्षात पडला नाही. शेतकरी खचून गेले आहेत. मात्र आम्ही सरकार म्हणून त्यांच्या पूर्ण पाठिशी उभे आहोत. ज्यावेळी आपत्ती किंवा असं संकट आलं आहे तेव्हा सरकार उभं राहिलं आहे. आज कॅबिनेटमध्येही चर्चा झाली. सरकार मदत करताना हात आखडता घेणार नाही.

शेतकऱ्यांना मदत करताना सरकार हात आखडता घेणार नाही-शिंदे

६० लाख हेक्टर जमिनींवरील पिकांचं नुकसान झालं आहे असं समोर आलं आहे. पुढच्या दोन ते तीन दिवसांत किती नुकसान झालं ते समोर येईल. शेतकऱ्यांच्या नुकसानाची माहिती आल्यानंतर मी, मुख्यमंत्री आणि अजित पवार आम्ही सगळे एकत्र मिळून शेतकऱ्यांबाबत हिताचा निर्णय घेऊ. अनेकांची घरं उद्ध्वस्त झाली आहेत. खायला घरात अन्न अशी स्थिती आहे. शेतकऱ्यांना मदत करताना सरकार हात आखडता घेणार नाही. मोदी सरकार आणि महाराष्ट्र सरकार शेतकऱ्यांच्या पाठिशी आहे. शेतकरी सन्मान योजना मोदींनी सुरु केली. राज्य आणि केंद्र सरकार शेतकऱ्यांच्या पाठिशी आहे. सगळ्यांनाच मी आवाहन करतो आहे की जे जे करता येईल ते सगळं करा. आम्ही शेतकऱ्यांच्या शेतावर जाऊन किती नुकसान झालं आहे त्याचा आढावा आम्ही घेतला. विद्यार्थी विद्यार्थिनींच्या पुस्तकांचं नुकसान झालं आहे. ती देखील आम्ही पुरवू. आरोग्य विभागाचं पथकही त्या ठिकाणी पोहचलं आहे. खासगी डॉक्टरही त्या ठिकाणी गेले आहेत. त्यांचं योगदान देत आहे. आपलं सरकार शेतकऱ्यांच्या पाठिशी उभा आहे आहे असंही एकनाथ शिंदे यांनी म्हटलं आहे.