पर्यटन विकासात पोलिसांचे सहकार्य आवश्यक असते. ते वाहतूक पोलीस दत्तात्रय देसाई यांनी सातत्याने दिल्याने त्यांना डी. के. टुरिझम संस्थेने आदर्श पर्यटन मित्र पुरस्काराने गौरविले त्याबद्दल धन्यवादच दिले पाहिजेत, असे माजी राज्यमंत्री प्रवीण भोसले यांनी स्पष्ट केले. कृषी व ग्रामीण पर्यटन प्रशिक्षण कार्यशाळेच्या उद्घाटन समारंभात माजी राज्यमंत्री प्रवीण भोसले बोलत होते. वाहतूक पोलीस निरीक्षक दत्तात्रय देसाई यांनी सातत्याने पर्यटकांना दिशा दाखविण्याचे काम केले आहे. शिवाय मोती तलावात बुडणाऱ्यांना वाचविण्यासोबतच अंधांनाही मार्ग दाखविल्याबद्दल त्यांचा सत्कार कौतुकास्पद आहे, असे प्रवीण भोसले म्हणाले. या वेळी आम. निरंजन डावखरे, आम. अलका देसाई, जिल्हा बँक अध्यक्ष राजन तेली, संदेश पारकर, संस्थाध्यक्ष डी. के. सावंत, अशोक देसाई व मान्यवर उपस्थित होते.