नेवरे येथे आंबा काजूच्या बागेला आग लागल्याने ३६०० कलमे जाळून  खाक; कोठ्यावधीचे नुकसान

या बागेतून महावितरण कंपनीची वीज वाहिनीची लाईन जाते. त्यामुळे शॉर्टसर्किट मुळे ही आग लागल्याचे बागायतदारा कडून सांगण्यात येत आहे. याठिकाणी यापूर्वीही अशीच चार वेळा ही आग लागली होती.  मात्र यावर  महावितरण कंपनीकडून कोणत्याही प्रकारची नुकसान भरपाई  देण्यात आली नसल्याचे  या बागेचे मालक रमेश जैन यांनी सांगितले. नेवरे येथे लागलेल्या या आगीत सुमारे ३ हजार ६०० आंबा आणि  काजूची कलमे ऐन हंगामात जळून खाक झाल्याने  मोठे नुकसान झाले आहे. ही आग विझवण्याचे प्रयत्न दिवसभर सुरू होते.