औरंगाबादमध्ये क्रूझरची ट्रेलरला धडक, भीषण अपघात चार भाविकांचा जागीच मृत्यू

औरंगाबादमध्ये क्रूझरचा भीषण अपघात झाला आहे. क्रूझरने रस्त्यावर उभ्या असलेल्या ट्रेलरला धडक दिल्याने हा अपघात झाला. या अपघातात चार जणांचा जागीच मृत्यू झाला आहे. गाढेजळगाव शिवारात हा अपघात झाला. मृत प्रवासी इगतपुरी येथे देवदर्शन करुन बुलडाण्यातील सिंदखेडराजा येथे परतत असताना हा अपघात झाला. काशिनाश म्हेत्रे, रवी जाधव, संगीता बुंदे आणि ऋषीधर तिडके अशी मृतांची नावे आहेत. हे सर्वजण सिंदखेडराजाचे ग्रामस्थ आहेत.