“जुळवाजुळव करायला…”, अजित पवारांच्या भाजपा प्रवेशावर गुलाबराव पाटलांचं मोठं वक्तव्य, म्हणाले, “दादा डॅशिंग…”

गुलाबराव पाटील म्हणाले की, अजितदादा हे डॅशिंग नेते आहेत, ते काही नॉट रिचेबलवाले नेते नाहीत. त्या माणसाला कायतरी जीवन आहे. ते २४ तास काम करत असतात. त्यामुळे मला नाय वाटत ते कुठलाही निर्णय घेताना घाबरून निर्णय घेतील. निश्चितपणे जुळवाजळव करायला थोडा वेळ लागतोय. परंतु जुळवाजुळव होईल तेव्हा मला वाटतं भाजपा आणि शिवसेनेत पाऊस पडेल. भाजपा, शिवसेना आणि अजित दादा एकत्र आले तर ‘अमक अकबर अँथोनी’ चांगला पिक्चर चालेल.

हे ही वाचा >> “अजित पवार घेतील तो निर्णय मान्य, पण…”, भाजपाप्रवेशाच्या चर्चेवर अमोल मिटकरीचं सूचक वक्तव्य

पाटील म्हणाले की, तुम्ही राष्ट्रवादी काँग्रेसच्या आमदारांची वक्तव्ये पाहा जरा. आमदार माणिकराव कोकाटे म्हणाले आम्ही अजितदादांच्या मागे आहोत. आमदार अण्णा बनसोडे काय म्हणाले ते पाहा. हे कशाचं द्योतक आहे? त्यांचे आमदार असं का बोलत आहेत? मला वाटतं राष्ट्रवादी काँग्रेसमध्ये सध्या ढगाळ वातावरण तयार व्हायला सुरुवात झाली आहे. त्यामुळे मला नाही वाटत अजितदादा आता तिथे थांबतील.