वर्ध्यामधील हिंगणघाट येथे जळीतकांडामध्ये गंभीर जखमी झालेल्या पिडितेचा उपचारादरम्यान मृत्यू झाला आहे. ऑरेंज सिटी रुग्णालयात उपचार सुरू असताना सकाळी ६.५५ मिनिटांनी पीडितेने अखेरचा श्वास घेतला. तरुणीच्या मृत्यूच्या बातमीनंतर तिच्या वडिलांनी आरोपीला आमच्या स्वाधीन करावे अशी मागणी केली आहे. या पीडितेच्या पार्थिवावर आज संध्याकाळी मूळ गावी म्हणजेच दारोडा येथे अंत्यसंस्कार करण्यात येणार असल्याचे समजते. मात्र या तरुणीच्या मृत्यूची बातमी समोर आल्यानंतर अनेक राजकीय पुढाऱ्यांनी सोशल नेटवर्किंगवरुन संताप व्यक्त करण्याबरोबर या तरुणीला श्रद्धांजली अर्पण केली आहे. हिंगणघाट येथे ३ फेब्रवारी रोजी एकतर्फी प्रेमातून प्राध्यापक तरुणीवर पेट्रोल ओतून तिला जिवंत जाळण्याचा प्रयत्न एका तरुणाने केला. हिंगणघाटच्या एका महाविद्यालयात वनस्पतीशास्त्र विषयासाठी अर्धवेळ प्राध्यापक म्हणून कार्यरत असलेली पिडित तरुणी कॉलेजला जात असताना आरोपी विकेश नगराळे दुचाकीतील पेट्रोल काढून तिच्यावर ओतले आणि अतिशय निदर्यतेने तिला जाळण्याचा प्रयत्न केला. यामध्ये तरुणी ४० टक्क्यांहून अधिक भाजली होती. या तरुणीवर खासगी रुग्णालयात उपचार सुरु असतानाच तिचा मृत्यू झाला. तिच्या मृत्यूनंतर कोणी काय प्रतिक्रिया व्यक्त केली आहे पाहूयात. सुप्रिया सुळे अतिशय दुःखद..! अखेर हिंगणघाट प्रकरणातील युवतीचा मृत्यु झाला.या प्रकरणाची सुनावणी फास्टट्रॅक कोर्टात होतेय.पिडितेला न्याय मिळवून देण्यासाठी सरकारने ठोस पावले उचलावी ही विनंती.या मुलीला भावपूर्ण श्रद्धांजली.तिच्या कुटुंबीयांवर कोसळलेल्या दुःखात आम्ही सर्वजण सहभागी आहोत. — Supriya Sule (@supriya_sule) February 10, 2020 जयंत पाटील हिंगणघाट येथील पीडितेची मृत्यूशी झुंज अखेर अपयशी ठरली आहे. दिवसाची सुरुवात या दुर्दैवी बातमीने होत आहे याचं दुःख वाटतं. भावपूर्ण श्रद्धांजली! — Jayant Patil (@Jayant_R_Patil) February 10, 2020 चारुलता ठोसर हिंगणघाट येथील भगिनीची सात दिवस मृत्यूशी चाललेली झुंज अखेर अपयशी ठरली नकार पचवू न शकणाऱ्या पुरुषी अहंकाराने केलेली महिलेची हत्या हा डाग पुसून टाकण्यासाठी त्या नराधमाला लवकरात लवकर कठोर शिक्षा व्हायलाच हवी!भावपूर्ण श्रद्धांजली @MahilaCongress @MaharashtraPMCpic.twitter.com/yvhzw5j0E1 — Charulata Tokas (@charulata_tokas) February 10, 2020 रामदास तडस अतिशय दुःखद घटना! हिंगणघाट घटनेतील पीडित युवतीचा आज सकाळी उपचारादम्यान नागपूर येथे मृत्यु झाला. तिच्या आत्म्याला शांती मिळो व परमेश्वर तिच्या परिवाराला दुःख सहन करण्याची ताकद देवो हीच प्रार्थना..!! भावपूर्ण श्रद्धांजली..!!#Hinganghat #हिंगणघाट — Ramdas Tadas (@RamdasTadasMP) February 10, 2020 यशोमती ठाकूर माझ्यातली आई आज सुन्न, नि:शब्द झालीय. महाराष्ट्राच्या लेकीचा जीवनाशी संघर्ष संपला, आपण या ‘हिंसक-पुरुषी’ मानसिकतेशी संघर्ष सुरू करूया #हिंगणघाट — Adv. Yashomati Thakur (@AdvYashomatiINC) February 10, 2020 प्रवीण अलई महाराष्ट्र हिंगणघाट की शिक्षिका अंकिता को आरोपी विकेश नगराले ने पेट्रोल डालकर जला दिया. आज अंकिता का दुःखद मृत्यु हुई. क्या महाराष्ट्र में कांग्रेस सरकार में जंगलराज नहीं चल रहा ??? #JusticeForAnkita @BJP4Maharashtra @ChDadaPatil @Dev_Fadnavis @AnilDeshmukhNCP @OfficeofUT — Pravin Alai (प्रवीण अलई) (@PravinAlai) February 10, 2020 शितल म्हात्रे #अखेर झुंज संपली हिंगणघाट येथील झालेल्या विकृती ची एक #निष्पाप #लेक #बळी ठरली ,, — sheetal mhatre (@sheetalmhatre1) February 10, 2020 या प्रकरणाची सुनावणी सुनावणी फास्ट ट्रॅक न्यायलयामध्ये होऊन जलदगतीनं हा खटला चालवण्यात यावा. या प्रकरणातील पीडितेला लवकरात लवकर न्याय मिळावा अशी मागणी सोशल मिडियावरुन होताना दिसत आहे.
