औरंगाबाद शहरात गुरूवारी कचऱ्यातील स्फोटक पदार्थांचा स्फोट होऊन एका महिलेचा मृत्यू झाला. येथील निसारवाडी गावानजीक असणाऱ्या व्होकार्ड कंपनीच्या मागील बाजूस नंदाबाई कुडुबा भालेराव (४०) ही महिला कचराकुंडीतला कचरा गोळा करत असताना हा प्रकार घडला. हा स्फोट इतका जोरदार होता की, संबंधित महिला स्फोट झाल्यानंतर काही अंतरावर फेकली गेली. मात्र, हा स्फोट नक्की कशामुळे झाला याचे कारण अद्याप स्पष्ट होऊ शकलेले नाही. घटनास्थळी पोलीस याप्रकरणाचा आणखी तपास करत आहेत. (संग्रहित छायाचित्र)
