बीड जिल्ह्यातील दोन भीषण अपघातात १० जण ठार; खासगी बस उलटून ६ तर रुग्णवाहिका मालमोटारीवर आदळून ४ जणांचा मृत्यू

हेही वाचा : ‘मी माझ्या पगारावर समाधानी आहे!’ साताऱ्यात शासकीय अधिकाऱ्याच्या फलकाची चर्चा

बीड जिल्ह्यातील अंभोरा ( ता. आष्टी ) हद्दीतील दौलावडगाव शिवारात दत्त मंदिराजवळ मालमोटार ( क्र. MH २१ X ८६०० ) हा धामणगाव ( ता. आष्टी ) कडून अहमदनगर दिशेने जात होता. बुधवारी रात्री साडे अकरा वाजण्याच्या सुमारास व्यंको कंपनीकडे डाव्या बाजूने वळण घेत असताना रुगणवाहिका (क्र. MH-१६ Q ९५०७) ने मालमोटारील पाठीमागून जोरदार धडक दिली. या भीषण अपघातात रुग्णवाहिका चालक भरत सिताराम लोखंडे, ( वय ३५, रा. धामणगाव ता. आष्टी ), मनोज पांगु तिरपुडे, पप्पु पांगु तिरखुंडे ( दोन्ही रा. जाट देवळा, ता. पाथर्डी ) यांचा घटनास्थळीच मृत्यू झाला तर डाॅ. राजेश बाबासाहेब झिंजुर्के, ( वय ३५, रा. सांगवी पाटण, ता. आष्टी ) यांचा अहमदनगर येथे उपचारा दरम्यान मृत्यू झाला. त्याच बरोबर ज्ञानदेव सूर्यभान घुमरे ( वय ४५, रा. घाटा पिंपरी, ता. आष्टी ) हे गंभीर जखमी झाले असून त्यांच्यावर अहमदनगर येथे उपचार सुरू आहेत. अपघाताची माहिती मिळताच पोलिसांनी घटनास्थळी धाव घेतली.

हेही वाचा : Maharashtra Breaking News Live : “पंतप्रधान मोदी वारंवार महाराष्ट्र दौरे करत आहेत, कारण…”; संजय राऊतांचा हल्लाबोल

तर दुसरा अपघात बुधवार दि.२६ ऑक्टोबर रोजी पहाटे ६ वाजता मुंबईकडून बीडकडे येते असलेल्या सागर ट्रॅव्हल्स या खासगी बसच्या चालकाचा वाहनावरील ताबा सुटल्याने बस पलटी झाली. या अपघातात सहा प्रवाशांचा मृत्यू झाला. तर अनेक प्रवासी गंभीर जखमी झाले आहेत. हा अपघात आष्टा फाटा ( ता. आष्टी ) येथे नजीक घडला. मृतांची नावे अद्याप समजू शकलेली नाहीत.