शिवसेनेच्या नगरसेवकावर गोळीबाराचा प्रयत्न, गोळी गावठी कट्ट्यातच अडकल्याने युवराज पठारे बचावले, अल्पवयीन युवक ताब्यात

गोळीबाराच्या प्रयत्नाचे कारण अद्याप स्पष्ट झाले नसले तरी त्यामागे जुने भांडत कारण असल्याचे चर्चा होत आहे.

Parner city, Ahmednagar district, corporator, Yuvraj Pathare, bullet, revolver, minor boy

नगर : पारनेर शहरात आज, गुरुवारी सकाळी नगरसेवक युवराज पठारे यांच्यावर गोळीबार करण्याचा प्रयत्न करण्यात आला, मात्र गावठी कट्ट्यातील गोळी कट्ट्यातच फसल्याने पठारे बचावले. पठारे यांच्या समवेत असलेल्या एकाने गोळीबार करणाऱ्याच्या हातातील कट्टा हिसकावून घेतला. ही घटना सकाळी साडेदहाच्या सुमारास घडली. या घटनेने जिल्ह्यात खळबळ उडाली आहे.

युवराज पठारे हे शिवसेनेचे नगरसेवक व पारनेर तालुका तालीम संघाचे अध्यक्ष आहेत. ते विखे समर्थक म्हणून त्यांची ओळख आहे. घटनेनंतर महसूल मंत्री तथा पालकमंत्री राधाकृष्ण विखे, खासदार सुजय विखे यांनी दूरध्वनीवरून पठारे यांची चौकशी केली. गोळीबाराचा प्रयत्न करणारा अल्पवयीन असून तो पारनेर तालुक्यातीलच रहिवासी आहे. नगरसेवक पठारे यांच्या हत्येचा प्रयत्न का करण्यात आला, याची चौकशी पोलीस करत आहेत. संबंधीत अल्पवयीन युवकाला पोलिसांनी ताब्यात घेतले आहे. घटनेनंतर पारनेर पोलीस ठाण्यासमोर पठारे समर्थकांनी मोठी गर्दी केली होती.

आणखी वाचा

Thieves stole gold ornaments and ₹55,000 cash from an elderly woman at Navsha Maruti temple

शहरात ज्येष्ठ नागरिकांच्या फसवणुकीचे सत्र कायम, सिंहगड रस्ता, कोंढवा भागातील घटना

Eknath Shinde : तुम्ही गृहखातं, विधानसभा अध्यक्षपद मागितलं…

Ajit Pawar claimed area honorables deprived Kharadi Chandannagar of water for tanker business

अन्यथा मते मागायला येणार नाही, असे उपमुख्यमंत्री अजित पवार का म्हणाले !

…विकास हाच आमचा अजेंडा, मुख्यमंत्री एकनाथ शिंदे यांचे स्पष्ट प्रतिपादन

Baba Siddiqui murder case Arrest of accused financial helper Mumbai

बाबा सिद्दीकी हत्या प्रकरण: आरोपींना आर्थिक मदत करणाऱ्याला अटक

Eknath Shinde: राज ठाकरे आणि एकनाथ शिंदे यांच्यात काय बिनसलं? शिंदे यांनी स्पष्टच सांगितलं; म्हणाले…

Ajit Gavane statement that distribution of money is defamatory because defeat is visible

भोसरी विधानसभा: पराभव दिसत असल्याने पैसे वाटप केल्याची बदनामी – अजित गव्हाणे

हेही वाचा… अग्रलेख : फिटे अंधाराचे जाळे…

पारनेर शहरातील बसस्थानकालगत असलेल्या मुख्य चौकातील हॉटेल दिग्विजयमध्ये नगरसेवक पठारे त्यांच्या मित्रांसह चहा घेत होते. तेथे अल्पवयीन युवक गावठी कट्टा व चाकू घेऊन आला. त्याने युवराज पठारे यांच्या छातीवर गावठी कट्टा रोखला व गोळी झाडण्याचा प्रयत्न केला. मात्र गोळी कट्ट्यातच अडकल्याने केवळ आवाज झाला. तेथे उपस्थित असलेले पठारे यांचे सहकारी भरत गट यांनी त्या युवकाच्या हातून कट्टा हिसकावून घेतला. त्याच्या समवेत असलेले दोन तरुण पळून गेल्याचे सांगितले जाते. हा सर्व प्रकार सीसीटीव्हीमध्ये कैद झाला आहे. त्या मुलाने आपण एकटेच आहोत, असे पोलिसांना सांगितले असले तरी पोलीस त्याबाबत खातरजमा करत आहेत. गोळीबाराच्या प्रयत्नाचे कारण अद्याप स्पष्ट झाले नसले तरी त्यामागे जुने भांडत कारण असल्याचे चर्चा होत आहे.

हेही वाचा… NCP MLA Disqualification Verdict Live: शरद पवार गटाला धक्का; अजित पवार गटच खरा राष्ट्रवादी काँग्रेस पक्ष, दोन्ही गटाचे आमदार पात्र!

पारनेर पोलीस ठाण्याचे निरीक्षक बारवकर यांनी काही दिवसांपूर्वीच सूत्रे स्वीकारली आहेत. गोळीबाराच्या प्रयत्नाच्या कारणाची चौकशी केली जात असल्याचे व गुन्हा दाखल करण्याची प्रक्रिया सुरू असल्याचे त्यांनी सांगितले.

First published on: 15-02-2024 at 17:52 IST

Web Title: In parner city of ahmednagar district corporator yuvraj pathare escaped as the bullet got stuck in revolver which fire by minor boy asj