विधान परिषदेच्या एका जागेसाठी येत्या दोन सप्टेंबर रोजी मतदान घेण्यात येईल, अशी माहिती निवडणूक आयोगाने सोमवारी दिली. भारतीय जनता पक्षाकडून विधान परिषदेवर गेलेले धनंजय मुंडे यांनी गेल्या दोन जुलै रोजी विधान परिषदेच्या सदस्यत्वाचा राजीनामा दिला होता. राष्ट्रवादी कॉंग्रेसमध्ये प्रवेश केलेल्या मुंडे यांच्या राजीनाम्यामुळे रिक्त झालेल्या जागेसाठी ही निवडणूक होणार आहे.
१६ ऑगस्ट रोजी निवडणुकीची अधिसूचना जारी करण्यात येईल. २३ ऑगस्टपर्यंत उमेदवारी अर्ज भरता येणार आहेत. दोन सप्टेंबर रोजी मतदान घेण्यात येईल आणि त्यानंतर त्याचदिवशी संध्याकाळी पाच वाजता मतमोजणी होईल.