भुजबळांच्या कार्यालयातील सहा जणांना करोनाची लागण; भुजबळ होम क्वारंटाइन

गेल्या काही दिवसांपासून राज्यातील करोनाबाधितांची संख्या वाढत आहे. काही दिवसांपूर्वी राज्यातील काही नेत्यांनाही करोनाची लागण झाल्याची माहिती समोर आली होती. त्यानंतर आता राज्याच्या अन्न,नागरी पुरवठा व ग्राहक संरक्षण मंत्री कार्यालयातील काही अधिकारी आणि कर्मचारी यांना कोरोनाची सूक्ष्म लक्षणे जाणवत असल्याने सुरक्षितेच्या दृष्टीने सर्वांची कोरोना चाचणी करण्यात आली. यामध्ये सहा अधिकारी व कर्मचारी पॉझिटिव्ह आढळून आहेत. दरम्यान, यानंतर मंत्री छगन भुजबळ हेदेखील होम क्वारंटाइन झाले आहेत.