Maharashtra News Today, 08 August 2023 : राज्याचे पावसाळी अधिवेशन संपले असून सगळेच आमदार आता आपल्या मतदारसंघात परतले आहेत. राज्यातील विविध शासन कार्यमक्रमांनाही सुरुवात झाली आहे. दरम्यान, केंद्रीय गृहमंत्री अमित शाहही पुणे दौऱ्यावर आले होते. त्यावेळी त्यांनी अजित पवारांचं कौतुक केलं होतं. तर, राष्ट्रवादीचे आमदार जयंत पाटील भाजपाच्या वाटेवर जाणार असल्याच्याही वावड्या उठल्या आहेत. या सर्व पार्श्वभूमीवर राज्यातील राजकारणात आता पुढे काय होणार याकडे सर्वांचं लक्ष लागलेलं आहे. तर, जुलै महिन्याच्या शेवटच्या आठवड्यात तुफान कोसळलेल्या पावसाने गेल्या चार ते पाच दिवसांपासून दडी मारली आहे. मुंबईसह आजूबाजूच्या शहरांत केवळ तुरळक सरी कोसळल्या आहेत. राज्यातील राजकारण, पावसाचे अपडेट्स आणि इतर घडामोडी जाणून घेऊयात.
