Maharashtra Latest Marathi News, 25 july 2022 : राज्यासह देशात मागील काही दिवसांपासून मोठ्या घडामोडी घडत आहेत. राष्ट्रपतीपदाच्या निवडणुकीत ६४ टक्के मतांसह विजय मिळवलेल्या द्रौपदी मुर्मू यांचा आज शपथविधी आहे. त्या आज देशाच्या १५ व्या राष्ट्रपती म्हणून शपथ घेतील. या शपथविधी सोहळ्यासाठी पंतप्रधान नरेंद्र मोदी यांच्यासह देशातील दिग्गज व्यक्ती उपस्थित राहणार आहेत. तर दुसरीकडे राज्यात मुख्यमंत्री एकनाथ शिंदे आणि शिवसेना पक्षप्रमुख उद्धव ठाकरे यांच्यातील संघर्षही तीव्र होत चालला असून दोन्ही बाजूंचे नेते एकमेकांवर आरोप- प्रत्यारोप करताना दिसत आहेत. आजदेखील शिवसेनेतील अंतर्गत वादाच्या अनुषंगाने मोठ्या घडामोडी घडण्याची शक्यता आहे. काही दिवसांत मंत्रिमंडळ विस्तार होणार असल्यामुळे भाजपा आणि शिंदे गट यांच्यातही खल होण्याची शक्यता आहे. या घडामोडींसह राज्य तसेच देशातील महत्त्वाचे अपडेट्स वाचा एका क्लिकवर.
