scorecardresearch

Premium

कराड : अजित पवारांच्या अनुपस्थितीबाबत विरोधकांकडून त्यांच्या सोयीचे अर्थ; मंत्री गिरीश महाजन यांचा टोला

दैनिक सामनातून ‘सरकारी रुग्णालयेच मृत्युशय्येवर’  अशा झालेल्या टीकेवर सध्या सामनाच व्हेंटिलेटरवर असल्याचा टोला महाजन यांनी लगावला.

minister girish mahajan slams opposition over dcm ajit pawar s absence from cabinet meeting
गिरीश महाजन व अजित पवार

‘आमचे फाटेल अन् त्यांचे कसे जमेल’ यासाठी अनेकजण देव पाण्यात ठेवून असल्याचा टोला लगावताना, विरोधी नेते अजित पवारांच्या अनुपस्थितीचा आपाआपल्या परीने अर्थ काढत असून, त्यात काहीही तथ्य नसल्याचे  राज्याचे ग्रामविकासमंत्री गिरीश महाजन यांनी सांगितले. सांगली जिल्ह्याच्या दौऱ्यावर आलेले मंत्री महाजन कराड विमानतळावर माध्यमांशी बोलत होते. आमदार गोपीचंद पडळकर, माजी मंत्री सदाभाऊ खोत, सत्यजित देशमुख, एकनाथ बागडी आदी उपस्थित होते.

हेही वाचा >>> एकनाथ शिंदेंची साथ असताना अजित पवारांना युतीत का घेतलं? फडणवीसांनी दिलं उत्तर, म्हणाले…

farmer protest
गुन्हा दाखल झाल्यावरच अंत्यसंस्कार! शुभकरनच्या मृत्यूमुळे संतप्त शेतकऱ्यांचा ‘काळा दिवस’
several maha vikas aghadi leaders accused of corruption today they are part of bjp government
 ‘ते’ तेव्हा तिथे..आता इथे!
Amar Rajurkar slams Congress committee
Ashok Chavan : “अध्यक्षांच्या पुढे पुढे करणाऱ्या त्या लोकांमुळे…” चव्हाणांचे निकटवर्तीय राजूरकर यांचे आरोप
Home Minister Devendra Fadnavis marathi news, three murders nagpur marathi news, nagpur crime news
गृहमंत्री देवेंद्र फडणवीस यांच्या गृहशहरात चोवीस तासांत तीन हत्याकांड; अखेर ‘त्या’ जखमीचाही मृत्यू

उपमुख्यमंत्री अजित पवार यांची मंत्रिमंडळ बैठक व कार्यक्रमांच्या अनुपस्थितीबाबत काँग्रेसचे प्रदेशाध्यक्ष नाना पटोले, खासदार संजय राऊत, विधानसभेतील विरोधी पक्षनेते विजय वडेट्टीवार आदींनी ‘अजितदादा नाराज’ या अंगाने राज्य सरकारवर केलेल्या टीका, टिपणीसंदर्भात छेडले असता गिरीश महाजन म्हणाले, आमच्या विरोधातील प्रत्येकजण आपाआपल्या परीने याचा अर्थ काढून सोयीची व्यक्तव्य करीत आहेत. त्यांच्या या बोलण्यात काहीही तथ्य नाही. अजितदादांची तब्बेत बरी नसल्यामुळे देवगिरी बंगल्यावरील कार्यक्रमालाही ते उपस्थित नव्हते. याबाबत ते मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांच्याशी बोललेत. त्यामुळे ‘आमचे फाटेल अन् त्यांचे कसे जमेल’ यासाठी अनेकजण देव पाण्यात ठेवून असल्याचा टोला मंत्री महाजन यांनी विरोधी टीकाकारांना लगावला.

हेही वाचा >>> “बावनकुळेंना सांगतो, अजून १० खासदार पाठवले तरी…”, बच्चू कडूंचा निर्वाणीचा इशारा

सध्या सरकार निवडणुकांसाठी तयार नसल्यानेच स्थानिक स्वराज्य संस्थांच्या निवडणुका ते लांबणीवर टाकत असल्याचा आरोप फेटाळून लावत सरकार कोणत्याही निवडणुका घेण्यासाठी घाबरत नसल्याचे ठामपणे सांगताना, निवडणुकांच्या तारखा कधी जाहीर करायच्या हा निर्णय निवडणूक आयोगाचा असल्याचे मंत्री महाजन म्हणाले.

दैनिक सामनातून ‘सरकारी रुग्णालयेच मृत्युशय्येवर’  अशा झालेल्या टीकेवर सध्या सामनाच व्हेंटिलेटरवर असल्याचा टोला महाजन यांनी लगावला. नांदेडची  घटना चितेंची बाब आहे. आपण स्वतः व पालकमंत्र्यांनी तिथे भेट दिली. राज्याचे वैद्यकीय शिक्षणमंत्री हसन मुश्रीफ हेही त्याठिकाणी जाऊन आले. वाढत्या मृत्यूबाबत शासन गंभीर असून, टीका करणारे टीका करत राहतील, त्यांच्याकडून आम्हाला वेगळी आशा नसल्याचे महाजन म्हणाले.

Latest Comment
View All Comments
Post Comment

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Minister girish mahajan slams opposition over dcm ajit pawar s absence from cabinet meeting zws

First published on: 04-10-2023 at 19:27 IST

आजचा ई-पेपर : महाराष्ट्र

वाचा
epaper image

संबंधित बातम्या

तुम्ही या बातम्या वाचल्या आहेत का? ×