केंद्रीय मंत्री गोपीनाथ मुंडे यांच्या निधनामुळे उद्या (बुधवारी) ‘परभणी बंद’चे आवाहन शिवसेनेच्या वतीने करण्यात आले. शहरातील बाजारपेठ बंद राहणार आहे. परभणी बाजार समितीतील कापूस खरेदी बंद राहणार आहे, तर विधानसभा अधिवेशनावर ५ जूनला निघणारा धनगर समाजाचा मोर्चा रद्द करण्यात आला आहे. दुखवटा व्यक्त करण्यासाठी उद्या ‘बंद’ पाळण्याचे आवाहन शिवसेनेच्या वतीने करण्यात आले. ‘बंद’मध्ये व्यापारी, शैक्षणिक संस्था यांनी सहभागी व्हावे, असे आवाहन खासदार संजय जाधव, जिल्हा सहसंपर्कप्रमुख डॉ. शिवाजी दळणर, जिल्हाप्रमुख संदीप भंडारी, सुधाकर खराटे, माणिक पोंढे, अजित वरपुडकर, गंगाप्रसाद आणेराव आदींनी केले आहे.
