scorecardresearch

Premium

“…तर मोदींनी पाकिस्तानशी संगनमत करून बॉम्ब टाकला असता”, संजय राऊतांचं मोठं वक्तव्य

ठाकरे गटाचे खासदार संजय राऊत यांनी पंतप्रधान नरेंद्र मोदी यांच्याबाबत मोठं विधान केलं आहे.

sanjay raut on pm modi
"….म्हणून पंतप्रधान मोदींना सतत महाराष्ट्रात यावं लागतंय", संजय राऊतांची टीका

ठाकरे गटाचे खासदार संजय राऊत यांनी ‘सामना’च्या ‘रोखठोक’ सदरातून पंतप्रधान नरेंद्र मोदींसह भारतीय जनता पार्टीवर जोरदार टीकास्र सोडलं आहे. नुकत्याच पार पडलेल्या पाच राज्यांच्या निवडणूक निकालावरही संजय राऊतांनी भाष्य केलं. मध्य प्रदेश, राजस्थानमध्ये काँग्रेसचा विजय झाला असता तर २०२४ च्या निवडणुकीआधी मोदींनी पाकिस्तानशी संगनमत करून एखादा बॉम्ब टाकला असता, असं मोठं विधान राऊतांनी केलं. राऊतांच्या या विधानानंतर राज्यात नव्या वादाला तोंड फुटण्याची शक्यता आहे.

पाच राज्यातील विधानसभा निवडणूक निकालावर भाष्य करताना संजय राऊत आपल्या लेखात म्हणाले की, ‘इंडिया’ आघाडीस मरगळ झटकून पुढचे दमदार पाऊल टाकायला लावणारे हे निकाल आहेत. मध्य प्रदेश, राजस्थान काँग्रेसने जिंकले असते तर २०२४ च्या निवडणुकीआधी मोदी यांनी पाकिस्तानशी संगनमत करून एखादा बॉम्ब टाकला असता. एखादे नवे ‘पुलवामा’ घडताना उघड्या डोळ्याने पाहिले असते. काश्मीरातील हिंसाचारात पाकिस्तानचा हात आहे, ‘देश खतरे में है’च्या गर्जना करून ‘देशभक्ती’साठी भाजपाने मते मागितली असती. जवानांच्या शवपेट्यांना वंदन करण्याची छायाचित्रे फिरवून आपल्यासारखे आपणच, दुसरे कोणी नाही हे ठसवण्याचा प्रयत्न झाला असता, अशी टीका संजय राऊतांनी केली.

ram mandir congress
उत्तर प्रदेशच्या दोन काँग्रेस आमदारांची मुख्यमंत्री योगींसोबत अयोध्या यात्रा; पक्षांतर्गत मतमतांतरं असण्यामागे कारण काय?
Nikhil Wagles car was smashed in pune ink was thrown on the car
पुणे : निखिल वागळे यांची गाडी फोडली, गाडीवर शाईफेक
narendra modi loksabha
काँग्रेसवर सडकून टीका, घराणेशाहीचे आरोप, विजयाचा विश्वास; १७ व्या लोकसभेतील पंतप्रधानांच्या शेवटच्या भाषणातील पाच मुख्य मुद्दे
uddhav thackeray narendra modi (3)
“…तर तुम्हाला नितीश कुमार कशाला हवेत? उद्धव ठाकरेंचा पंतप्रधानांना प्रश्न; हेमंत सोरेन यांच्यावरील कारवाईवरूनही टीका

“प्रकाश आंबेडकर वारंवार सांगतात त्याप्रमाणे लोकसभा निवडणुकीआधी दंगली व मोठ्या नरसंहाराचा बेत तडीस नेला असता. आशा आहे, तीन राज्यांतील विजयांमुळे हे बेत तूर्त रहीत केले जातील! पण तीन राज्यांमधील विजय म्हणजे २०२४ च्या विजयाचा शंखनाद या भ्रमात जे आहेत त्यांनी त्याच भ्रमात राहणे देशहिताचे आहे,” असंही राऊत म्हणाले.

हेही वाचा- गोपीचंद पडळकरांवरील चप्पलफेकीवर भाजपा नेत्याची प्रतिक्रिया, घटनेचा निषेध करत म्हणाले…

दरम्यान, राऊत यांनी मध्य प्रदेशातील काँग्रेसच्या पराभवावरही भाष्य केलं. मध्य प्रदेशातील भाजपाच्या यशात काँग्रेसच्या कमलनाथ यांचं मोठं योगदान असल्याचं राऊतांनी म्हटलं. कमलनाथ हे सकाळी दहा वाजता प्रचारासाठी घराबाहेर पडत, दुपारी एक वाजता ते त्यांच्या छिंदवाड्यातच एखादी सभा घेऊन घरी परत येत असत. दुसरीकडे, शिवराज सिंह चौहान यांनी दिवसातून १५-१५ सभा घेत भाजपाला विजयाच्या शिखरावर नेले. मोदी आणि भाजपाच्या सोयीचं राजकारण करणारे लोक गांधींच्या अवतीभवती असतील तर २०२४ ला काँग्रेसला अधिक धोका निर्माण होईल, असं स्पष्ट विधान राऊतांनी आपल्या लेखातून केलं आहे.

Latest Comment
View All Comments
Post Comment

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Pm narendra modi would conspire with pakistan and dropped bomb on india sanjay raut statement rmm

First published on: 10-12-2023 at 12:08 IST

आजचा ई-पेपर : महाराष्ट्र

वाचा
epaper image

संबंधित बातम्या

तुम्ही या बातम्या वाचल्या आहेत का? ×