रत्नागिरीच्या मत्स्य व्यवसाय विभागाची एलईडी मासेमारी नौकेवर कारवाई; नौकेसह ८ ते ९ लाखांचे एलईडी साहित्य जप्त

रत्नागिरी : रत्नागिरीच्या मत्स्य व्यवसाय विभागाने अवघ्या १२ तासात एलईडी द्वारे अनधिकृत मासेमारी करणारी दुसरी नौका पकडली आहे. ही नौका मिरकरवाडा बंदरात आणली आहे.जयगड समुद्रात शुक्रवारी रात्री एलईडी मासेमारी करणाऱ्या  नौकेवर कारवाई केल्यानंतर शनिवार दि. ८ मार्च रोजी सकाळी ११ वाजता मत्स्यव्यवसाय विभागाने महालक्ष्मी नौका (आयएनडी – एमएच -४- एमएम २८१३) ही नौका ताब्यात घेतली आहे.  या नौकेची झडती घेतली असता नौकेवर एलईडी  बल्ब व जनरेटर आढळून आले. महाराष्ट्र सागरी मासेमारी नियमन अधिनियम १९८१ व सुधारणा अधिनियम २०२१ अंतर्गत एल.ई. डी. नौकेवर कारवाई करण्यात आली आहे.