रत्नागिरी : राजापुरात झाडावर अडकलेल्या बिबट्याला सोडविण्यास वन विभागाला यश

याबाबत वनविभागाकडून मिळालेल्या माहितीनुसार, तालुक्यातील भालावली येथील पांडुरंग केळकर यांच्या बागेतील आंब्याच्या झाडावर जमिनीपासून सुमारे वीस फुट उंच अंतरावर तारेमध्ये अडकल्याची माहिती वनविभागाला मिळाली. अमोल नार्वेकर यांच्यामार्फत माहिती मिळताच रत्नागिरी येथील परिक्षेत्र वन विभागाची टिम वन्यजीव पशुवैद्यक व पशुशल्य चिकित्सकांसह घटनास्थळी दाखल झाले. घटनास्थळाची पाहणी केली असता सकाळपासून बिबट्या झाडावर अडकून पडल्याचे त्यांच्या निदर्शनास आले.

हेही वाचा – Bandra Stampede : “स्पेशल ट्रेनला १६ तास उशीर, एक्स्प्रेस फलाटावर येताच…”, पोलिसांनी सांगितला वांद्रे स्थानकातील चेंगराचेंगरीचा घटनाक्रम!

हेही वाचा – Devendra Fadnavis : गरज पडल्यास कुणाचा पाठिंबा घेणार? शरद पवार की उद्धव ठाकरे? फडणवीस म्हणाले, “आम्ही फक्त..”

दरम्यान, रत्नागिरीच्या विभागीय वनअधिकारी गिरिजा देसाई आणि सहाय्यक वनसंरक्षक प्रियांका लगड यांच्या मार्गदर्शनाखाली वनविभागाच्या रेस्क्यू टिमने तात्काळ बिबट्याची सोडवणूक करण्याचे प्रयत्न सुरू केले. त्यामध्ये बिबट्याला झाडावरून खाली उतरवण्याचे आणि जेरबंद करण्याचे प्रयत्न सुरू झाले. मात्र, त्यामध्ये सातत्याने अडथळे येत होते. त्यानंतरही बिबट्याची सुटका करण्याच्या रेस्क्यू टिमच्या सुरू असलेल्या प्रयत्नांना शनिवारी रात्री साडे नऊ वाजताच्या सुमारास बिबट्याभोवतीची अडकलेली फासकीची तार कापण्यात रेस्क्यू टिमला यश आले. त्यामुळे झाडावर अडकलेल्या बिबट्याची सुटका झाली.