महाराष्ट्रासह देशभरातले सर्वच पक्ष लोकसभा निवडणुकीच्या कामाला लागले आहेत. महाराष्ट्रात महाविकास आघाडी आणि महायुतीत जागावाटपावरून चर्चा सुरू झाल्याच्या बातम्या समोर येऊ लागल्या आहेत. अशातच महाविकास आघाडीत शिवसेनेचा ठाकरे गट राज्यातल्या लोकसभेच्या १८ हून अधिक जागांसाठी अग्रही असल्याचं बोललं जात आहे. ठाकरे गटातील खासदार संजय राऊत यांनी काही वेळापूर्वी प्रसारमाध्यमांशी बातचीत केली. यावेळी राऊत म्हणाले, २०१९ च्या लोकसभा निवडणुकीत आम्ही २३ जागा लढलो होतो. त्यापैकी १८ जागांवर आम्ही विजय मिळवला होता. संभाजीनगरमध्ये अवघ्या काही मतांनी आमचा उमेदवार पडला. त्यामुळे जिंकलेल्या जागांवर चर्चा करायची नाही, असं महाविकास आघाडीचं धोरण ठरलं आहे. काँग्रेसनं महाराष्ट्रात जागाच जिंकल्या नाहीत. परंतु, काँग्रेसची ताकद असलेल्या जागा त्यांना मिळणार. यावर दिल्लीतल्या हायकमांडबरोबर आमचं एकमत झालं आहे.

काँग्रेस नेते आणि माजी खासदार संजय निरुपम हे जास्तीत जास्त जागा काँग्रेसला मिळाव्यात यासाठी अग्रही आहेत. तशी वक्तव्ये निरुपम यांनी अलीकडच्या काळात केली आहेत. त्यावर प्रतिक्रिया देताना खासदार राऊत म्हणाले, “महाराष्ट्रात कोणी काहीही वक्तव्य करत असेल, तर त्याकडे फार गांभीर्यानं पाहण्याची गरज नाही,” संजय निरुपम यांच्याबद्दल प्रश्न विचारल्यावर संजय राऊत म्हणाले, “संजय निरुपम कोण आहेत? संजय निरुपमांना काही अधिकार आहेत का? काँग्रेसचं हायकमांड दिल्लीत आहे. त्यामुळे आम्ही दिल्लीत चर्चा करू.”

Nandurbar lok sabha seat, Newly Elected MP Adv Gowaal Padavi, new leader of Tribal Community , Adv Gowaal Padavi political journey, gowaal padvi, sattakaran article,
ओळख नवीन खासदारांची : ॲड. गोवाल पाडवी (नंदुरबार, काँग्रेस) ; आदिवासींमधील नवीन नेतृत्व
Suresh Gopi
शपथविधीनंतर राजीनाम्याची चर्चा! केरळचे भाजपाचे मंत्री सुरेश गोपी म्हणाले, “मोदी सरकारच्या…”
suresh gopi
केरळमधील भाजपाचे एकमेव खासदार सुरेश गोपींना मंत्रिपद सोडायचंय; शपथविधीनंतर काही तासांत नेमकं काय घडलं?
Behind the victory of Congress Sacrifice dedication and coordination
काँग्रेसच्या विजयामागे त्याग, समर्पण आणि समन्वय…
Sunil Tatkare, Raigad Lok Sabha,
प्रवाहाच्या विरोधात जाण्याची परंपरा यंदाही रायगडमध्ये कायम
NDA will not cross even 303-mark Kapil Sibal
“एनडीएला ३०३ जागांवर देखील मजल मारता येणार नाही”: कपिल सिब्बल यांचा दावा
Rahul Gandhi Smriti Irani
Exit Poll : अमेठी, रायबरेलीत कोण जिंकणार? राहुल गांधी, स्मृती इराणींच्या मतदारसंघात काय घडणार?
Rebel independent candidate Vishal Patil attends Congress social gathering in sangli
काँग्रेसच्या स्नेहमेळाव्यास बंडखोर विशाल पाटलांची हजेरी, उबाठा शिवसेनेकडून आक्षेप

राऊत यांच्या या वक्तव्यावर आता संजय निरुपम यांनी प्रतिक्रिया दिली आहे. संजय निरुपम म्हणाले, शिवसेना (ठाकरे गट) स्वबळावर लोकसभेची एकही जागा जिंकू शकत नाही. त्यांना माझं आव्हान आहे. ठाकरे गटाला निवडणुकीत काँग्रेसची गरज आहे. त्याचप्रमाणे काँग्रेसलाही त्यांची गरज आहे. त्यांनी मागच्या निवडणुकीत १८ जागा जिंकल्या होत्या. परंतु, त्यापैकी एक डझनहून अधिक गद्दार पळून गेले आहेत. आता त्यांच्याकडे चार-पाच खासदार राहिले आहेत. तेदेखील राहणार आहेत की नाही, याबाबत काहीच सांगता येत नाही.

हे ही वाचा >> ८० गाड्या खरेदीसाठी अजित पवारांकडे १५ कोटी कुठून आले? अजली दमानियांचा प्रश्न, सिंचन घोटाळ्याचा उल्लेख करत म्हणाल्या…

संजय राऊत यांनी कोण संजय निरुपम? असा प्रश्न प्रसारमाध्यमांसमोर उपस्थित केला होता. त्यावर प्रतिक्रिया देताना निरुपम म्हणाले, राऊतांची स्मरणशक्ती थोडी क्षीण झाली आहे असं वाटतंय. संजय निरुपम कोण आहे हे शिवसेनेत त्यांनाच माहिती आहे.