मंत्रीमंडळ विस्तार कधी होणार? संजय शिरसाट यांनी सांगितली तारीख; म्हणाले “येत्या २० ते…”

हेही वाचा >> ठाकरे गटातील सर्व आमदार शिंदे गटात येणार? संजय शिरसाटांचं मोठं विधान; म्हणाले, “आठ ते दहा दिवसांत..!”

“मंत्रिमंडळ विस्तार व्हावा, अशी सर्वांचीच इच्छा आहे. तसे झाले तर कामाचा वेग वाढेल. मी याबाबत मुख्यमंत्री आणि उपमुख्यमंत्र्यांशी बोललो आहे. मात्र त्यांनी मंत्रीमंडळ विस्तारासाठीच्या काही तांत्रिक अडचणी सांगितल्या आहेत. त्या अडचणी येत्या १५ तारखेपर्यंत संपतील, असा माझा अंदाज आहे, अशी माहिती संजय शिरसाट यांनी दिली.

हेही वाचा >> औरंगजेबावरील विधानावरून नितेश राणेंची जितेंद्र आव्हाडांवर टीका, ‘उंची किती, वजन किती’चा उल्लेख करत म्हणाले; “आमचा खरा आक्षेप…”

संजय शिरसाट यांनी राज्य सरकारला मंत्रीमंडळ विस्तार करणे गरजेचे आहे, असे सांगितले. “२०-२२ तारखेदरम्यान मंत्रिमंडळाचा विस्तार होईल. कारण अनेक मंत्रीपदं भरायची बाकी आहेत. फक्त काही गोष्टींमुळे थांबलंय. मंत्रीमंडळ विस्तार होणारच आहे. तो करावाच लागणार आहे, हे मी ठामपणे सांगतो. मंत्रीपदाची अपेक्षा सर्वांनाच आहे, असे संजय शिरसाट म्हणाले.

हेही वाचा >> “…तर मग छत्रपती संभाजी महाराजांवरून टीका कशाला करता?” नितेश राणेंचा विरोधकांना परखड सवाल!

दरम्यान, शिवसेनात बंडखोरी झाल्यानंतर एकनाथ शिंदे यांना साथ देणाऱ्या प्रमुख नेत्यांपैकी संजय शिरसाट हेदेखील एक महत्त्वाचे नेते होते. पहिल्या मंत्रीमंडळ विस्तारात आपल्याला संधी मिळेल अशी अपेक्षा संजय शिरसाट यांना होती. मात्र तसे झाले नाही. याच करणामुळे संजय शिरसाट नाराज असल्याचेही म्हटले जात होते. त्यानंतर आता दुसऱ्या मंत्रीमंडळ विस्तारात त्यांना संधी मिळणार का? हे पाहणे आता महत्त्वाचे ठरणार आहे.