“मीच राष्ट्रवादीचा अध्यक्ष”, अजित पवारांच्या दाव्यावर सुप्रिया सुळेचं प्रत्युत्तर; म्हणाल्या, “आपल्या देशात…”

खासदार सुप्रिया सुळे म्हणाल्या पक्षाच्या स्थापनेपासून (१९९९) शरद पवार हेच राष्ट्रवादी काँग्रेस पार्टीचे अध्यक्ष आहेत. अजित पवारांच्या दाव्यावर सुप्रिया सुळे म्हणाल्या, आपल्या देशात लोकशाही आहे. त्यामुळे त्यांना हवं ते बोलू शकतात, याचा अर्थ असा नाही की ते बोलतायत तेच सत्य आहे. सुप्रिया सुळे दी इंडियन एक्सप्रेसशी बोलत होत्या.

सुनील तटकरे म्हणाले की अजित पवार हे आमच्या पक्षाचे राष्ट्रीय अध्यक्ष आहेत. आम्ही निवडणूक आयोगाकडे जे निवेदन दिलंय त्यात आम्ही तेच म्हटलं आहे. आम्हाला खात्री आहे की निवडणूक आयोग आमच्या बाजूने निर्णय घेईल.

हे ही वाचा >> “…तरी यांची घागर उताणीच राहणार”, दहिहंडीच्या आयोजनावरून ठाकरे गटाचा भाजपावर हल्लाबोल

अजित पवार यांनी केलेल्या दाव्यांबद्दल सुप्रिया सुळे यांना विचारल्यावर त्या म्हणाल्या, खरंतर कुठलीही व्यक्ती पक्षाचा मालक नसते. जनता ही खरी मालक आहे. १९९९ साली जेव्हा पक्षाची स्थापना झाली तेव्हापासूनच शरद पवार हेच पक्षाचे राष्ट्रीय अध्यक्ष आहेत आणि जयंत पाटील हे गेल्या काही वर्षांपासून पक्षाचे प्रदेशाध्यक्ष आहेत.

गेल्या आठवड्यात कोल्हापुरात पत्रकार परिषदेत शरद पवार म्हणाले होते की मी पक्षाचा अध्यक्ष आहे आणि जयंत पाटील हे प्रदेशाध्यक्ष आहेत.