scorecardresearch

Premium

दंगलीनंतर साताऱ्यात तणाव; एकाचा मृत्यू, दहा जखमी, घरे, दुकानांसह प्रार्थनास्थळाचीही जाळपोळ

समाजमाध्यमांवर महापुरुषांबद्दल आक्षेपार्ह मजकूर प्रसारित करण्यावरून सातारा जिल्ह्यातील पुसेसावळी गावात रविवारी रात्री संतप्त जमावाने केलेल्या हल्ल्यात एक ठार, तर दहा जण जखमी झाले आहेत.

karad conflict
दंगलीनंतर साताऱ्यात तणाव

कराड : समाजमाध्यमांवर महापुरुषांबद्दल आक्षेपार्ह मजकूर प्रसारित करण्यावरून सातारा जिल्ह्यातील पुसेसावळी गावात रविवारी रात्री संतप्त जमावाने केलेल्या हल्ल्यात एक ठार, तर दहा जण जखमी झाले आहेत. जखमींपैकी एक गंभीर आहे. जमावाने अनेक घरे, दुकानांची जोळपोळ केली आणि एका प्रार्थनास्थळावरही हल्ला केला. या घटनेनंतर पुसेसावळी परिसरात संचारबंदी, तर संपूर्ण सातारा जिल्ह्यात जमावबंदी लागू करण्यात आली असून २३ जणांना अटक केली आहे. खबरदारीचा उपाय म्हणून जिल्ह्यातील ‘इंटरनेट सेवा’ पूर्णपणे बंद करण्यात आली आहे. सातारा शहरासह जिल्ह्यातील अनेक भागांत तणावाचे वातावरण आहे.

खटाव तालुक्यातील पुसेसावळी या गावामध्ये रविवारी समाजमाध्यमांवर एका समुदायाच्या काही जणांनी महापुरुषांबद्दल आक्षेपार्ह मजकूर प्रसारित झाल्याचे उघड झाले. त्यामुळे काही वेळातच सगळीकडे तणावाचे वातावरण निर्माण झाले. रात्री साडेनऊच्या सुमारास तरुणांच्या संतप्त  जमावाने या घटनेशी संबंधित भागातील काही घरे, दुकाने आणि वाहनांना आग लावली. या जमावाने एका प्रार्थनास्थळावरही हल्ला केला. या हल्ल्यात एकाचा जागीच मृत्यू झाला, तर दहा जण जखमी झाले आहेत. सर्व जखमींना सातारा आणि कराड येथील रुग्णालयांत दाखल करण्यात आले आहे. या घटनेची माहिती मिळताच पोलीस अधीक्षक समीर शेख यांनी सहकाऱ्यांसह घटनास्थळी धाव घेतली. स्थानिक पोलिसांच्या मदतीला सातारा, सांगली जिल्ह्यातूनही अतिरिक्त पोलीस कुमक दाखल झाली. काही वेळातच संतप्त झालेल्या जमावास पोलिसांनी नियंत्रणात आणले.

Beating_f9bb1c
अरे बापरे! ग्रामसभेतच निघाली तलवार, कुऱ्हाड अन् मग…
young person murder kalyan body well crime
कल्याण मध्ये तरुणाची हत्या करून मृतदेह विहिरीत फेकला
tree-cutting_8b16ee
धक्कादायक! पुण्यात होणार २२ हजार झाडांची कत्तल?
mira road violence marathi news, mira road violence not pre planned marathi news
मीरा रोड दंगल प्रकरणात १० गुन्हे, १९ जणांना अटक; दंगलीमागे पूर्वनियोजित कट नसल्याचे स्पष्ट

काय घडले?

  • रविवारी रात्री समाजमाध्यमावर काहींनी महापुरुषांबद्दल आक्षेपार्ह मजकूर प्रसारित केला.
  • या मजकुराबद्दलची माहिती वाऱ्यासारखी पसरली आणि तणाव निर्माण झाला.
  • रात्री साडेनऊच्या सुमारास संतप्त तरुणांच्या जमावाने घरे, दुकाने आणि वाहनांना आग लावली.
  • जमावाने एका प्रार्थनास्थळावरही हल्ला केला, या धुमश्चक्रीत एकाचा मृत्यू झाला.

२३ जणांना अटक

दंगलप्रकरणी आतापर्यंत २३ जणांना अटक करण्यात आली आहे. खबरदारीचा उपाय म्हणून जिल्ह्यातील इंटरनेट सेवा पूर्णपणे बंद करण्यात आली आहे. अफवांवर विश्वास ठेवू नका, सामाजिक सलोखा, शांतता राखा, असे आवाहन कोल्हापूर परिक्षेत्राचे विशेष पोलीस महानिरीक्षक सुनील फुलारी यांनी केले आहे. खासदार उदयनराजे यांनीही पुसेसावळीला भेट देऊन शांतता राखण्याचे आवाहन केले आहे.

Latest Comment
View All Comments
Post Comment

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Tension in satara after riots one killed ten injured ysh

First published on: 12-09-2023 at 00:16 IST

आजचा ई-पेपर : महाराष्ट्र

वाचा
epaper image

संबंधित बातम्या

तुम्ही या बातम्या वाचल्या आहेत का? ×