​आंबोली घाटात झाड कोसळल्याने वाहतूक ठप्प, काही तासांत वाहतूक सुरळीत

​आज स्वातंत्र्यदिनाची सुट्टी असल्याने मोठ्या संख्येने पर्यटक आंबोलीच्या दिशेने निघाले होते. त्यामुळे महामार्गावर वाहनांची मोठी वर्दळ होती. झाड कोसळल्याने दोन्ही बाजूला वाहनांच्या लांबच लांब रांगा लागल्या होत्या. घटनेची माहिती मिळताच सार्वजनिक बांधकाम विभाग आणि पोलीस तात्काळ घटनास्थळी दाखल झाले. त्यांनी झाड बाजूला करून वाहतूक सुरळीत करण्याचे प्रयत्न सुरू केले. स्थानिक प्रशासनाच्या या प्रयत्नांमुळे काही तासांनंतर वाहतूक पुन्हा पूर्ववत झाली.