“सुशांत सिंह आत्महत्या प्रकरणात उद्धव ठाकरे काँग्रेस आणि बॉलिवूड माफियांच्या दबावाखाली”

उद्धव ठाकरे कांग्रेस-संपोषित बालीवुड माफिया के दबाव में हैं, इसलिए सुशांत मामले में जिम्मेदार सभी तत्वों को बचाने पर तुले हैं। कांग्रेस बिहार की जनता को क्या मुँह दिखायेगी?
— Sushil Kumar Modi (@SushilModi) August 1, 2020

बिहार पोलिसांनी शनिवारी निर्माता रुमी जाफरीची चौकशी केली. रुमी जाफरी हे रिया आणि सुशांत यांना घेऊन एका सिनेमाची निर्मिती करणार होते. मात्र लॉकडाउनमुळे चित्रपट सुरु होऊ शकला नाही. बिहार पोलिसांनी नवी मुंबईतील उल्वे येथे जाऊन सुशांत, रिया आणि शोविकच्या कंपनीची नोंदणी असलेल्या ठिकाणी केली. दरम्यान शनिवारी संध्याकाळी बिहारचे उपमुख्यमंत्री सुशीलकुमार मोदी यांनी ट्विट करुन उद्धव ठाकरेंवर आरोप केला आहे. उद्धव ठाकरे यांच्यावर काँग्रेस आणि बॉलिवूड माफियांचा दबाव आहे. त्यामुळे सुशांतच्या प्रकरणात जबाबदार असलेल्या सर्व घटकांना वाचवण्यावर कल दिला जातो आहे. असं करुन बिहारमध्ये काँग्रेस जनतेला काय तोंड दाखवणार? असाही प्रश्न सुशीलकुमार मोदी यांनी उपस्थित केला आहे.

अभिनेता सुशांत सिंह राजपूत याने वांद्रे येथील त्याच्या राहत्या घरी गळफास घेऊन आत्महत्या केली. या घटनेमुळे सगळी हिंदी सिनेसृष्टी हादरली होती. मात्र सुशांत सिंह राजपूत हा घराणेशाही आणि सिनेसृष्टीतल्या गटबाजीचा बळी आहे असाही आरोप झाला. दरम्यान असे आरोप झाल्यानंतर त्या अनुषंगानेही चौकशी करण्यात आली आहे.