scorecardresearch

Premium

चंद्रशेखर बावनकुळे समोर येताच उद्धव ठाकरेंनी अशी कोपरखळी मारली की सगळ्यांनाच हसू अनावर

नागपूर अधिवेशनात अनोखा योगायोग, उद्धव ठाकरे आणि चंद्रशेखर बावनकुळे समोरासमोर

Uddhav Thackeray And Chandrashekhar Bawankule
चंद्रशेखर बवानकुळे आणि उद्धव ठाकरे समोर आले तेव्हा काय घडलं? (फोटो-प्राजक्ता राणे, ग्राफिक्स टीम, लोकसत्ता ऑनलाइन)

हिवाळी अधिवेशनाचा आजचा तिसरा दिवस आहे. आज अधिवेशनात शिवसेना उद्धव बाळासाहेब ठाकरे पक्षाचे प्रमुख उद्धव ठाकरे यांचीही उपस्थिती होती. विधान भवनात एक अनोखा योगायोग पाहण्यास मिळाला. महाविकास आघाडी स्थापन झाल्यापासून उद्धव ठाकरेंवर चंद्रशेखर बावनकुळे टीका करत आहेत. बावनकुळे आणि उद्धव ठाकरे एकमेकांसमोर आले. त्यावेळी उद्धव ठाकरेंनी एकच कोपरखळी मारली आणि उपस्थितांमध्ये हशा पिकला.

काय म्हणाले उद्धव ठाकरे?

नागपूरच्या विधानभवनाच्या मुख्य प्रवेशद्वारावर जेव्हा उद्धव ठाकरे आणि चंद्रशेखर बावनकुळे एकमेकांच्या समोर आले तेव्हा “काय एकटेच जाता?” असं म्हणत उद्धव ठाकरेंनी चंद्रशेखर बावनकुळेंना कोपरखळी मारली. ज्यानंतर उपस्थितांमध्ये एकच हशा पिकला. काही दिवसांपूर्वी बावनकुळे यांचा मकाऊमधला कथित फोटो पोस्ट करत संजय राऊत यांनी त्यांच्यावर यथेच्छ टीका केली होती. तसंच उद्धव ठाकरे यांनी दसरा मेळाव्यातही बावनकुळे यांचा समाचार घेतला होता. तर चंद्रशेखर बावनकुळे हे उद्धव ठाकरेंवर टीका करण्याची एकही संधी सोडत नाहीत. अशा सगळ्या गोष्टी असताना हे दोन नेते समोरसमोर आले तेव्हा एका वाक्यामुळे सगळ्यांमध्येच हशा पिकला.

shrikant shinde in helicopter with tribal kids
नंदुरबार : श्रीकांत शिंदे यांनी दादा भुसे, उदय सामंत यांना हेलिकॉप्टरमधून उतरविले, कारण…
anand paranjape marathi news, anand paranjape jitendra awhad marathi news
“चिंगारी भडकी है तो… ये आग कळवा-मुंब्रा तक भी जाएगी”, आनंद परांजपे यांचा जितेंद्र आव्हाड यांना इशारा
mla ganpat gaikwad supporter vicky ganatra arrested in mahesh gaikwad firing case
महेश गायकवाड गोळीबार प्रकरणातील गणपत गायकवाड यांचा समर्थक विक्की गणात्रा अटकेत, ठाणे गुन्हे शाखेची कारवाई
thane mp shrikant shinde, shrikant shinde on ulhasnagar firing case
“कोण काय म्हणतो यापेक्षा सीसीटिव्ही फुटेजमधून सत्य लोकांसमोर…” खासदार डाॅ. श्रीकांत शिंदे यांची गोळीबार प्रकरणावर पहिली प्रतिक्रिया

उद्धव ठाकरेंचा सरकारवर हल्लाबोल

नागपूरमध्ये राज्य विधिमंडळाचे हिवाळी अधिवेशन सुरू आहे. अशातच शिवसेना ( ठाकरे गट ) आमदार आदित्य ठाकरे यांची दिशा सालियान मृत्यू प्रकरणात विशेष तपास पथकामार्फत ( एसआयटी ) चौकशी होणार असल्याच्या चर्चांना उधाण आलं आहे. यावरून शिवसेना ( ठाकरे गट ) पक्षप्रमुख उद्धव ठाकरे यांनी शिंदे सरकारला थेट इशारा दिला आहे. आम्ही सांगू तेव्हा तुमच्याही कुटुंबाच्या एसआयटी चौकशा लावू, असं उद्धव ठाकरेंनी म्हटलं आहे. ते विधिमंडळाच्या बाहेर प्रसारमाध्यमांशी संवाद साधत होते.

प्रफुल्ल पटेलांवरून उद्धव ठाकरेंनी भाजपाला घेरलं आहे. “नवाब मलिकांना दूर ठेवण्यासाठी देवेंद्र फडणवीसांनी अजित पवारांना पत्र लिहिलं होतं. तोच न्याय प्रफुल्ल पटेलांबाबत लावणार आहात की नाही?” असा सवाल उद्धव ठाकरेंनी भाजपाला विचारला आहे.

सत्ताधारी पक्षाकडून गुंडगिरी

उद्धव ठाकरे यांनी सत्ताधारी पक्ष गुंडगिरी करत असल्याचा आरोप केला. ते म्हणाले की, पत्रांचा जमाना आहे निवडणूक आयोगाला पत्र दिलं आहे. उपमुख्यमंत्र्यांनी दुसऱ्या उपमुख्यमंत्र्यांना पत्र दिलं आहे. या पत्राचं आम्ही स्वागत करतो. जो न्याय नवाब मलिकांना तोच प्रफुल्ल पटेल यांना लागणार का? असा सवाल त्यांनी भाजपला केला. मोदी यांनी स्वतः बीकेसीमधील सभेत कुछ लोक मिरची का व्यवहार करते है, आता त्यांच्यावर कारवाई करणार का? असाही टोला त्यांनी भाजपला यावेळी लगावला.

Latest Comment
View All Comments
Post Comment

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Uddhav thackeray take jibe on chandrashekhar bawankule over his macao visit maharashtra assembly winter session scj

First published on: 11-12-2023 at 16:31 IST

आजचा ई-पेपर : महाराष्ट्र

वाचा
epaper image

संबंधित बातम्या

तुम्ही या बातम्या वाचल्या आहेत का? ×