भुईंजजवळ शस्त्रसाठा जप्त, चौघे ताब्यात

भुईज पोलीस व स्थानिक गुन्हे अन्वेषण विभागाने भुईज परिसरात शनिवारी पहाटे टाकलेल्या संयुक्त छाप्यात पिस्तुल,तलवारी गुप्त्या, जांभ्या असा मोठा शस्त्र साठा जप्त केला.या प्रकरणी चार जणांना ताब्यात घेण्यात आले आहे.

भुईज पोलीस व स्थानिक गुन्हे अन्वेषण विभागाने भुईज परिसरात शनिवारी पहाटे टाकलेल्या संयुक्त छाप्यात पिस्तुल,तलवारी गुप्त्या, जांभ्या असा मोठा शस्त्र साठा जप्त केला.या प्रकरणी चार जणांना ताब्यात घेण्यात आले आहे.
या कारवाईबाबत वाईचे उपविभागीय पोलीस अधिकारी दीपक हुंबंरे यांनी सांगितले की, भुईज पोलीस व स्थानिक गुन्हे अन्वेषण विभागाला माहिती मिळाली की, भुईज परिसरात काही लोकांकडे शस्त्रसाठा आहे.त्याप्रमाणे बंटी उर्फ अनिकेत नारायण जाधव याच्याकडे चौकशी केली आणि त्याच्या घराची झडती घेतली असता त्याच्याकडे एक पिस्तूल आणि तीन तलवारी मिळून आल्या. यानंतर वरुण समरसिंग जाधव याच्याकडे एक पिस्तुल आणि दोन तलवारी सापडल्या. यानंतर या दोघांचे सहकारी अतुल सखाराम जाधव रा. विराटनगर पाचवड याच्याकडे दोन तलवारी आणि एक पिस्तूल आढळून आले व केतन हणमंत धुमाळ रा. वीर ता. पुरंदर. सध्या रा. भुईज याच्याकडे तीन तलवारी, अकरा गुप्त्या आणि पाच जांभिया असा शस्त्रसाठा जप्त करण्यात आला.बंटी जाधव आणि वरुण जाधव याच्याकडील पिस्तुल हे छऱ्याचे पिस्तूल आसल्याचे आढळून आले. त्याप्रमाणे त्यांच्यावर गुन्हा नोंद करण्यात आला आहे. या सर्वाना अटक करण्यात आली आहे. यांनी आणखी कोणाकडे शस्त्र ठेवली आहेत आणि कोणाकडून आणली याबाबत माहिती मिळविण्याचे काम सुरु आहे . भुईज परिसरात आणखीही शस्त्रसाठा मिळण्याची शक्यता असल्याचे दीपक हुंबंरे यांनी सांगितले. या सर्वावर तडीपारीची कारवाई करण्यात येणार असल्याचेही त्यांनी सांगितले. या कारवाईत भुईजचे सपोनि नारायण पवार ,स्थानिक गुन्हे अन्वेषणचे विकास जाधव,मेढा पोलीस ठाण्याचे समाधान चवरे, कुडाळचे उपनिरीक्षक टकलेंसह अनेक पोलीस कर्मचाऱ्यांनी भाग घेतला.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Weapon stock seized near bhuinj custody to four