दिवंगत मराठा नेते विनायक मेटे यांच्या पत्नी आणि शिवसंग्राम संघटनेच्या अध्यक्षा ज्योती मेटे याही निवडणुकीच्या रिंगणात उतरण्याच्या तयारीत आहेत. महाविकास आघाडीकडून त्यांच्या नावावर शिक्कामोर्तबही झालं होतं. परंतु, अचानक बीड लोकसभा मतदारसंघातून बजरंग सोनवणे यांच्या नावाची घोषणा करण्यात आली. परंतु, मी सरकारी नोकरीचा राजीनामा देऊन राजकारणात सक्रिय होणार असल्याचं त्यांनी याआधीच सांगितलं होतं. त्यामुळे महाविकास आघाडीने उमेदवारी न दिल्याने त्यांची आता पुढची दिशा काय असणार याबाबत त्यांनी संवाद साधला आहे. टीव्ही ९ मराठीने घेतलेल्या मुलाखतीत त्या बोलत होत्या.

ज्योती मेटे यांनी बीड दौरा केला. या दौऱ्यात त्यांना तुफान प्रतिसाद मिळाला. याबाबत त्या म्हणाल्या, जनतेचं आणि कार्यकर्त्यांचं प्रेम पाहून भारावून गेले आहे. यामुळे जबाबदारीचं ओझं दुप्पट वाढलं आहे. छत्रपती संभाजी नगरहून येथे येण्यास सुरुवात केली. काफिला बनता गेला, तसं एक एक अॅड होत गेला.

Ravindra Dhangekar has been protesting for two hours in Sahakarnagar police station in Pune
भाजप कार्यकर्त्यांकडून पुन्हा पैशांच वाटप झाल्याच दिसल्यास आता थेट पोलिस आयुक्त कार्यालयाबाहेर आंदोलन करणार: रवींद्र धंगेकर
Prakash Ambedkar on Ujjwal Nikam
करकरे, साळसकर यांच्या हत्येबाबत नवे प्रश्न; प्रकाश आंबडेकरांचे उज्ज्वल निकम यांना आव्हान, म्हणाले…
devraje guada
प्रज्वल रेवण्णा सेक्स स्कँडल बाहेर काढणाऱ्या भाजपा नेत्याविरोधातही लैंगिक छळाची तक्रार, पोलिसांनी घेतलं ताब्यात
AJit Pawar vs Supriya Sule
“मी त्यांचा मुलगा नसल्याने संधी मिळाली नाही”, अजित पवारांच्या वक्तव्यावर सुप्रिया सुळे म्हणाल्या, “माझी कारकीर्द…”
parveen shaikh
मुंबईतील मुख्याध्यापिकेकडून हमासचं समर्थन, शाळा प्रशासनाने बडतर्फ केल्यानंतर म्हणाल्या, “राजकीय हेतूने…”
Ajit pawar on sharad pawars
“८४ वर्षांच्या योद्ध्याला तुम्ही लढायला लावताय”, अजित पवारांची शरद पवार गटाच्या नेत्यांवर टीका; म्हणाले “त्यांना बोलताना…”
Advocate Ujjwal Nikam
मोठी बातमी! उत्तर मध्य मुंबईतून उज्ज्वल निकम यांची उमेदवारी भाजपाकडून जाहीर, पूनम महाजन यांचा पत्ता कट
What Bacchu Kadu Said?
अमरावतीतल्या मैदान राड्यानंतर बच्चू कडूंची पहिली प्रतिक्रिया, म्हणाले, “मला अटक व्हावी म्हणून राणा दाम्पत्याने…”

महाविकास आघाडीने उमेदवारी नाकारल्यानंतर ज्योती मेटे पुढचा निर्णय काय घेणार याबाबत विचारले असता, त्या म्हणाल्या, “सहसंमतीने आणि पूण विचारांअंतीच निर्णय घेतला जाईल. बीडमध्ये चौथ्या टप्प्यात मतदान असल्याने वेळ भरपूर आहे. ही वेळ विचारात घेऊन पुढची पावलं निश्चित उचलू.”

हेही वाचा >> ठाण्यात महायुतीतील तिढा संपला? दीपक केसरकरांचं सूचक विधान, म्हणाले, “एकनाथ शिंदेंच्या मतदारसंघात…”

जिंकण्याच्याच मानसिकतेत निवडणूक लढवणार

तसंच, बीडमध्ये तिहेरी लढत रंगण्याची शक्यता आहे. महायुतीकडून पंकजा मुंडे आणि महाविकास आघाडीकडून बजरंग सोनवणे अशी उमेदवारांची नावे जाहीर झाली आहेत. त्यामुळे ज्योती मेटे यांनीही निवडणुकीत उतरण्याचा निर्णय घेतल्यास येथे तिहेरी लढत होईल. या लढतीत काय आव्हान वाटतं, याबाबत विचारलं असता त्या म्हणाल्या, “एकदा शर्यतीत उतरल्यानंतर जिंकण्यासाठीच उतरलं पाहिजे या मानसकितेची मी आहे.”

लोकसभा निवडणुकीत उतरण्याकरता ज्योती मेटे यांनी सरकारी नोकरीचा राजीनामा दिला होता. त्यानंतर त्या राजकारणात सक्रिय होणार असल्याचंही त्यांनी सांगितलं होतं. निवडणुका लागल्यानंतर त्यांनी शरद पवारांचीही भेट घेतली होती. त्यामुळे ज्योती मेटेंचं नाव इच्छुक उमेदवारांच्या यादीत पहिलं होतं. त्यांनाच बीड लोकसभा मतदारसंघातून उमेदवारी मिळून पंकजा मुंडेंविरोधात त्या लढतील असं चित्र निर्माण झालं होतं. परंतु, शरद पवार गटाने आयत्यावेळेला डाव उलटला आणि संजय सोनवणे यांना उमेदवारी जाहीर केली. सध्याच्या घडीला संजय सोनवणे आणि पंकजा मुंडे अशी दुहेरी लढत रंगताना दिसतेय, पण आगामी काळात ज्योती मेटे यांनीही उमेदवारी अर्ज भरला तर येथे तिहेरी लढत पाहायला मिळणार आहे.