'कुमकुम भाग्य' या लोकप्रिय मालिकेतील अभिनेता झीशान खान नेहमीच चर्चेत असतो. झीशान हा छोट्या पडद्यावरील लोकप्रिय अभिनेत्यांपैकी एक आहे. झीशानने यावेळी बाथ्रोब घालून गोवा ते मुंबई असा विमान प्रवास केल्याने चर्चेत आलेला आहे. याचा एक व्हिडीओ त्याने सोशल मीडियावर शेअर केला आहे. झीशानने त्याच्या इन्स्टाग्राम अकाऊंटवरून हा व्हिडीओ शेअर केला आहे. या व्हिडीओत झीशान विमानतळावर बाथ्रोबमध्ये असल्याचे दिसतं आहे. तो त्याच्या काही मित्रांसोबत आहे. याचा पूर्ण व्हिडीओ त्याने त्याच्या 'Zsquad Vlogs' या युट्युब चॅनलवर शेअर केला आहे. View this post on Instagram A post shared by Zeeshan Khan (@theonlyzeeshankhan) आणखी वाचा : 'दोन मुलांची आई असल्याने मला काम मिळतं नाही..', अभिनेत्रीने केला खुलासा 'स्पॉटबॉय'ला दिलेल्या मुलाखतीत झीशानने बाथ्रोबमध्ये प्रवास केल्याचा अनुभव सांगितला आहे. "बरं मला असं वाटतं की आपल्याकडे एकच आयुष्य आहे आणि आपण त्याचा पुरेपूर फायदा करून घेतला पाहिजे. सार्वजनिक ठिकाणी बाथ्रोब घालणे अयोग्य आहे असे कोण बोलतं. मला काही वेगळं वाटत नाही तर तुम्हाला का वाटायला हवे? आणि मला जे पाहिजे ते करायला मला आवडते. कारण माझ्यासाठी एकच आयुष्य आहे आणि त्याचा जास्तीत जास्त फायदा करून घेण्यासाठी मी इथे आहे," असे झीशान म्हणाला. आणखी वाचा : Video : जान्हवीने हातात चप्पल पकडून मित्र-मैत्रिणींसोबत केला डान्स त्याचा हा व्हिडीओ पाहून काही नेटकऱ्यांनी त्यांची प्रतिक्रिया दिलेली आहे. एक नेटकरी हसत म्हणाला, 'झीशान खरचं तू वेडा आहेस, तू काहीही करू शकतोस.' दुसरा नेटकरी म्हणाला, 'झीशान अरे काय करतोस तू.' तिसरा नेटकरी म्हणाला, 'पूर्ण व्हॉल्ग पाहण्यासाठी मी उत्साही आहे.'