बॉलिवूड अभिनेता अक्षय कुमारने अनलॉकची प्रक्रिया सुरु होताच आगामी चित्रपटांच्या चित्रीकरणास सुरुवात केली. अक्षयचे 'बेल बॉटम', 'अतरंगी रे', 'लक्ष्मी बॉम्ब' हे चित्रपट लवकरच प्रेक्षकांच्या भेटीला येणार आहेत. सध्या अक्षय अतरंगी रेचे चित्रीकरण करत आहे. या चित्रपटाच्या दोन आवड्यांच्या चित्रीकरणासाठी त्याने तगडे मानधन घेतले आहे. 'अतरंगी रे' या चित्रपटात अभिनेत्री सारा अली खान आणि दाक्षिणात्य अभिनेता धनुष मुख्य भूमिकेत दिसणार आहेत. आनंद एल रॉय दिग्दर्शित या चित्रपटात अक्षय कुमार पाहुण्या कलाकाराच्या भूमिकेत दिसणार आहे. त्यासाठी तो सध्या शुटींग करत आहे. या दोन आठवड्याच्या चित्रीकरणासाठी अक्षय कुमारने जवळपास २७ कोटी रुपये मानधन घेतले असल्याचे म्हटले जाते. The beginning of a new journey! @AanandLRai's directorial #AtrangiRe starring @AkshayKumar,@DhanushKRaja & #SaraAliKhan goes on floors today! An @arrahman musical. Presented by @itsbhushankumar's @Tseries @cypplofficial & #CapeOfGoodFilms, the film is written by #HimanshuSharma. pic.twitter.com/9fi2koXDsL — Colour Yellow Productions (@cypplOfficial) March 5, 2020 अतरंगी रे चित्रपटासाठी निर्मात्यांनी अक्षय पूर्वी हृतिक रोशनची निवड केली होती. पण काही कारणास्तव हृतिकने या भूमिकेसाठी नकार दिला. त्यानंतर आनंद एल रॉय यांनी अक्षय कुमारची निवड केली आणि त्याने देखील होकार दिला. हा चित्रपट एक लव्ह स्टोरी आहे असे म्हटले जाते. लॉकडाउनपूर्वी ५ मार्च रोजी या चित्रपटाचे चित्रीकरण सुरु झाले होते. चित्रपटाच्या सेटवर पूजा देखील करण्यात आली होती.