करोना विषाणूशी दोन हात करण्यासाठी मुख्यमंत्री उद्धव ठाकरे यांनी राज्यातील जनतेला आर्थिक मदतीचं आवाहन केलं होतं. त्यांच्या या आवाहनाला चांगला प्रतिसाद मिळत आहे. राज्यातील लोक आपापल्या आर्थिक क्षमतेनुसार मदत करत आहेत. दरम्यान मराठी अभिनेत्री अमृता खानविलकर हिनं देखील मदतनिधी जाहीर केला आहे. अवश्य पाहा - लॉकडाउनमध्ये मलायका करतेय बेसनचे लाडू अमृतानं मुख्यमंत्री सहाय्यता निधीसाठी रक्कम देऊ केली आहे. मात्र तिने रकमेचा आकडा जाहीर केलेला नाही. अमृताने ट्विट करुन ही माहिती दिली. व तसेच राज्यातील इतर जनतेला देखील तिनं मदत करण्याचं आवाहन केलं आहे. अवश्य वाचा - पतीवर खोटे आरोप करणाऱ्या अभिनेत्रीची चित्रपटातून झाली हकालपट्टी बूँद बूँद से सागर भरता है ।@CMOMaharashtra @AUThackeray #CMRF #Covid19India pic.twitter.com/Gcvl19KZQp — Amruta Khanvilkar (@OfficialAmruta) March 31, 2020 अमृता व्यतिरिक्त गानसम्राज्ञी लता मंगेशकर यांनी २५ लाखांची मदत जाहीर केली. त्याचबरोबर अक्षय कुमार, विकी कौशल, अनुष्का शर्मा, आलिया भट्ट, राजकुमार राव, सारा अली खान यांसारख्या अनेक कलाकारांनी मदत निधी देऊ केला आहे.