डॉ. काशिनाथ घाणेकरांचा अभ्यास न करता सुबोधनं साकारली भूमिका कारण… - Marathi News | Ani Dr Kashinath Ghanekar Subodh Bhave Reveals How Its Difficult To Do Role Without Reference

सुबोधनं त्यांचे सिनेमे पाहायला सुरूवात केली होती मात्र हा प्रयोग त्यानं अर्धवट सोडला, या मागचं कारणंही त्यानं सांगितलं आहे.

'आणि डॉ. काशिनाथ घाणेकर' या चित्रपटात सुबोध भावे यानं डॉ. काशिनाथ घाणेकर यांची भूमिका साकारली आहे.

‘मराठी रंगभूमीवरचा पहिला सुपरस्टार’ अशी ज्यांची ओळख आहे त्या डॉ. काशिनाथ घाणेकर यांच्यावर आधारित चरित्रपट येत आहे. या चरित्रपटात काशिनाथ यांची भूमिका साकारली आहे ती अभिनेता सुबोध भावे यानं. ही भूमिका साकारणं आपल्या कारकिर्दीतील सर्वात अवघड गोष्ट होती हे सुबोधनं देखील मान्य केलं आहे. विशेष म्हणजे ही भूमिका साकारताना आपण कोणताही अभ्यास केला नाही असंही सुबोध ‘लोकसत्ता ऑनलाइन’शी बोलताना म्हणाला.

सुबोधनं काशिनाथ घाणेकर यांची नाटकं कधीही पाहिली नव्हती, त्यामुळे या भूमिकेविषयी अधिक समजून घेताना त्यांनं वाचायला सुरूवात केली. त्यांचे सिनेमे पाहायला सुरूवात केली मात्र हा प्रयोग त्यानं अर्धवट सोडला. या मागचं कारणंही सुबोधनं सांगितलं, ते कारण काय होतं हे जाणून घ्यायचं असेल तर नक्की पाहा हा व्हिडिओ..

अभिजित देशपांडे दिग्दर्शित हा चित्रपट ८ नोव्हेंबरला प्रदर्शित होणार आहे. या चित्रपटात सुबोध व्यतिरिक्त सोनाली कुलकर्णी, सुमित राघवन, मोहन जोशी, आनंद इंगळे, प्रसाद ओक हे कलाकार देखील प्रमुख भूमिकेत आहे.

First published on: 30-10-2018 at 11:05 IST

मराठीतील सर्व मनोरंजन बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Ani dr kashinath ghanekar subodh bhave reveals how its difficult to do role without reference