News Flash

‘या’ बायोपिकमध्ये दीप-वीर ऑनस्क्रीन पती-पत्नीच्या भूमिकेत?

रणवीर-दीपिकाला ऑनस्क्रीन एकत्र पाहण्याची चाहत्यांची इच्छा लवकरच पूर्ण होण्याची शक्यता

रणवीर सिंग, दीपिका पदुकोण

अभिनेता रणवीर सिंग आणि दीपिका पदुकोण यांना ऑनस्क्रीन एकत्र पाहण्याची चाहत्यांची फार इच्छा आहे. ही इच्छा लवकरच पूर्ण होण्याची शक्यता आहे. कारण ‘रामलीला’, ‘बाजीराव मस्तानी’ आणि ‘पद्मावत’नंतर आता पुन्हा एकदा ही बहुचर्चित जोडी एकत्र झळकणार असल्याचं कळतंय. भारतीय क्रिकेट संघाचे माजी कर्णधार कपिल देव यांच्या बायोपिकमध्ये ही जोडी ऑनस्क्रीनसुद्धा पती-पत्नीच्या भूमिकेत झळकण्याची शक्यता आहे.

भारताच्या इतिहासामध्ये २५ जून १९८३ ही तारीख सुवर्ण अक्षरामध्ये कोरली गेली आहे. लंडनमधील लॉर्ड्सच्या मैदानावर भारतीय संघाने क्रिकेट विश्वचषक जिंकला होता. त्यामुळे १९८३च्या क्रिकेट विश्वचषक विजयावर आधारित ‘८३’ हा चित्रपट लवकरच प्रेक्षकांच्या भेटीला येणार आहे. या चित्रपटात रणवीर सिंह हा तत्कालीन कर्णधार कपिल देव यांच्या भूमिकेत असणार आहे. तर ‘डेक्कन क्रॉनिकल’ने दिलेल्या वृत्तानुसार दीपिकाला कपिल देव यांच्या पत्नीच्या भूमिकेसाठी विचारण्यात आलं आहे. दीपिकाने या भूमिकेला अद्याप होकार दिला की नाही हे गुलदस्त्यातच आहे.

या चित्रपटाचं चित्रीकरण सुरु झालं असून ‘चक दे इंडिया’चे दिग्दर्शक कबीर खान यांनीच ‘८३’च्या दिग्दर्शनाची धुरा सांभाळली आहे. रणवीर क्रिकेटपटू कपिल देव यांची भूमिका वठवत असल्यामुळे या भूमिकेला पूर्णपणे न्याय देण्यासाठी तो कपिल देव यांच्याकडून क्रिकेटचे धडे गिरवत आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on January 8, 2019 9:46 am

Web Title: deepika padukone offered the role of ranveer singh onscreen wife in kapil dev biopic 83
Next Stories
1 ‘ग्रीन बुक’ला सर्वाधिक ‘गोल्डन ग्लोब’ पुरस्कार
2 प्रियांका- निकच्या लग्नातले यापूर्वी प्रसिद्ध न झालेले फोटो पाहिलेत का ?
3 अंतराळवीर राकेश शर्मांच्या बायोपिकमध्ये फातिमा- शाहरुख एकत्र?
Just Now!
X